Skessuhorn - 20.12.2022, Qupperneq 20

ÞRIÐJUDAGUR 20. DESEMBER 202220
Gaman saman
um áramótin
Fjölskyldan saman
18 ár a ábyrgð
Sveitarstjórn Dalabyggðar skorar
á matvælaráðherra að virða það
samkomulag sem gert var við undir­
ritun búvörusamninga í febrúar
2016 og fresta fyrirhugaðri niður­
tröppun greiðslumarks hjá sauðfjár­
bændum til 1. janúar 2024. Sveitar­
stjórnin segir markmið samningsins
um aukna verðmætasköpun greinar­
innar alls ekki hafa gengið eftir en
það hafi verið megin forsenda niður­
tröppunar samkvæmt samkomulagi.
„Árið 2021 voru rúmlega 24.000
vetrarfóðraðar kindur í Dalabyggð
en í skýrslu Byggðastofnunar sem
unnin var fyrir Innviðaráðuneytið
fyrr á þessu ár kemur fram að sauð­
fjárrækt sé hlutfallslega mikilvægust
á landinu í Dalabyggð en 5,3 sauð­
fjárbú (>300 kindur) eru á hverja
100 íbúa sveitarfélagins. 70% skóla­
barna í grunnskóladeild Auðarskóla
koma úr dreifbýlinu utan Búðardals.
Flest börnin úr dreifbýli koma frá
heimilum þar sem sauðfjárrækt er
undirstaða í atvinnutekjum heimilis.
Nokkur endurnýjun hefur verið á
sauðfjárbúum í sveitarfélaginu upp á
síðkastið og hafa ábúendur fjárfest
í greiðslumarki sem nú á að trappa
niður þannig að hluti ríkisstuðnings
mun flytja úr Dalabyggð í önnur
sveitarfélög þar sem atvinnugreinin
er minna mikilvæg en í Dalabyggð.
Samkvæmt skýrslum um rekstur
sauðfjárbúa undanfarin ár hefur
greiðslumark mikil áhrif á rekstrar­
hæfni þeirra. Best reknu búin hafa
meiri afurðir eftir hverja kind sem
leiðir til lægra kolefnisspors á dilka­
kjötsframleiðsluna. Að draga úr
vægi greiðslumarks sauðfjárbænda
gengur því gegn markmiðum ríkis­
stjórnarinnar um kolefnishlutleysi
ásamt því að ganga gegn markmiði
búvörulaga nr. 99/1993 um að kjör
þeirra sem landbúnað stunda verði
í sem nánustu samræmi við kjör
annarra stétta,“ segir í bókun frá
sveitastjórnarfundi Dalabyggðar í
gær, 15. desember.
Sveitarstjórn Dalabyggðar ítrekar
hvatningu til ráðherra og vonar að
matvælaráðherra taki áskoruninni
vel og gefi sauðfjárbændum tækifæri
til að kynna aðstæður og forsendur
í sínum rekstri þegar að fyrirhug­
aðri heimsókn ráðherrans í Dalina
verður á nýju ári. Þá segir sveitar­
stjórn samtal um málefni sauðfjár­
ræktar á forsendum möguleika til
aukinnar verðmætasköpunar verða
að vera og sé það von Dalamanna að
ráðherrann komi vel undirbúinn til
viðræðna um málefni landbúnaðar­
ins þegar heimsókn hans í Dala­
byggð verður að veruleika. gbþ
Slysavarnadeildin Líf kom færandi
hendi á jólahátíð Fjöliðjunnar sem
haldin var föstudaginn 16. desem­
ber. Þar var starfsfólk Fjöliðjunnar
samankomið til að borða saman
góðan mat og eiga notalega stund,
syngja saman og dansa. Slysavarna­
deildin færði Fjöliðjunni tvö hjarta­
stuðtæki að gjöf, þó með von um að
aldrei þyrfti að nota þau. Tækin
eru tvö vegna þess að starfsemi
Fjöliðjunnar er á tveimur stöðum.
Þetta eru fimmta og sjötta hjarta­
stuðtækið sem Slysavarnadeildin
gefur. Fyrsta tækið var gefið Jóns­
búð sem er veislusalur Slysavarna­
deildarinnar Lífar. Svo hafa tæki
verið gefin í Safnaðarheimilið
Vinaminni, Brekkubæjarskóla og
Grundaskóla.
Slysavarnadeildin Líf stendur
fyrir leiðisgreina­ og krossasölu í
desember ár hvert að Háholti 22
á Akranesi og allur ágóði af þeirri
sölu rennur til góðgerðarmálefna,
líkt og þetta. Einnig er deildin
með kaffisölu á Sjómannadaginn
og gerir umferðaröryggiskannanir
fyrir Samgöngustofu.
gbþ
Fjöliðjan fékk tvö hjartastuðtæki að gjöf
Frá vinstri: Hallfríður Jóna Jónsdóttir, Barbara G. Davis, Kristín Ármannsdóttir, Valgerður Guðbjörnsdóttir. Heiðrún Her-
mannsdóttir og Guðrún Þórðardóttir tóku við gjöfunum fyrir hönd Fjöliðjunnar.
Allir voru leystir út með endurskinsmerkjum.
Hallfríður Jóna sýnir hér hjartastuðtæki.
Áskorun til matvælaráðherra
frá sveitarstjórn Dalabyggðar
5,3 sauðfjárbú (>300 kindur) eru á hverja 100 íbúa í Dalabyggð. Ljósm. úr safni