Skessuhorn - 20.12.2022, Side 45

ÞRIÐJUDAGUR 20. DESEMBER 2022 45
að fólki, síðan bættust tveir björgunarsveitarmenn við. Þyrla
Landhelgisgæslunnar var mætt á vettvang skömmu síðar og
sendi tvo menn niður í siglínu til björgunar. Flutti hún hinn
látna til Reykjavíkur. Lögregla og sjúkrabíll biðu við fjallið
til aðstoðar. Maðurinn sem lést var í fámennum hópi ferða­
manna sem var kominn hátt í fjallið þegar slysið varð. Í fram­
haldi af slysinu gripu landeigendur til aðgerða og bönnuðu
göngu á fjallið yfir vetrarmánuðina og fram í júní.
Stórbruni á sorpmóttökusvæði
Eldur kom upp á geymslusvæði fyrir aflagða bíla á sorpmót­
tökusvæðinu við Höfðasel á Akranesi í lok október. Starfs­
menn endurvinnslufyrirtækisins Málma höfðu í umboði Terra
verið að vinna við bílhræ og fóru ekki að settum verklags­
reglum. Eldurinn breiddist hratt út og um tuttugu slökkvi­
liðsmenn börðust við hann. Engum varð þó meint af í þessum
stórbruna, en mikinn og dökkan reyk lagði frá honum.
Auglýst eftir Breiðafjarðarferju
Vegagerðin auglýsti á árinu útboð á Evrópska efnahagssvæð­
inu þar sem óskað er eftir tilboðum í skip til siglinga á Breiða­
firði, þ.e. Breiðafjarðarferju. Því skipi er ætlað koma í stað
ferjunnar Baldurs sem stenst ekki nútímakröfur lengur. Á vef
Vegagerðarinnar segir að áætlað væri að gera samning um
leigu á skipi án áhafnar í fimm mánuði, frá 1. janúar 2023
til 31. maí 2023, með möguleika á að kaupa skipið. Útboð­
inu lauk 25. nóvember. Eitt tilboð barst, frá Torghatten Nord
AS, Norway. Skömmu fyrir jól samþykkti Alþingi að setja fjár­
magn í verkefnið.
Dalamaður ársins sendur heim
Í lok október missti Rebecca Cathrine Kaad Ostenfeld á Hólum
í Hvammssveit vinnu sína í einu matvöruversluninni sem starf­
rækt er í Búðardal. Var henni sagt upp störfum vegna skipulags­
breytinga innan fyrirtækisins. Hún fékk hins vegar einnig þá
munnlegu skýringu að hún hefði talað of mikið við viðskipta­
vini. Ákvað hún að birta mynd af uppsagnarbréfinu á Facebook
og vakti það mikil og sterk viðbrögð víðs vegar í þjóðfélaginu.
Vestlendingar og íslensku
menntaverðlaunin
Íslensku menntaverðlaunin voru afhent við hátíðlega athöfn
á Bessastöðum í byrjun nóvember. Voru þau veitt í fjórum
flokkum, auk hvatningarverðlauna. Átthagafræði í Grunn­
skóla Snæfellsbæjar hlaut verðlaun fyrir framúrskarandi
þróunar verkefni, en það beinist að því að efla jákvæð og virk
tengsl skóla og samfélags, þekkingu nemenda á heimabyggð
sinni og auka fjölbreytni í námi. Menntaskóli Borgarfjarðar
fékk hvatningarverðlaun fyrir framsækna endurskoðun á
námskrá með það að leiðarljósi að búa nemendur sem best
undir áskoranir í lífi og starfi í nútíð og framtíð. Við þetta má
bæta að leikskólinn Akrasel á Akranesi var tilnefndur í flokki
framúrskarandi skólastarfs eða menntunarumbóta.
Fjórða tunnan væntanleg
Talsvert var fjallað um nýja stöðu í sorpmálum á Vestur­
landi á árinu, enda verður um áramót skylt að auka sérsöfnun
við heimili, svo eitthvað sé nefnt. Breytingarnar má rekja til
nýrrar úrgangslöggjafar í Evrópu. Ábyrgð útfærslunnar liggur
á herðum sveitarfélaga landsins, en þau bera ábyrgð á mála­
flokknum samkvæmt lögum. Nýju lögin kveða á um fjórðu
tunnuna við hvert híbýli og þá verður plast, pappi, lífrænt og
almennt sorp flokkað í aðskilda flokka á landsvísu. Nú keppast
sveitarfélög við að finna lausn á innleiðingu flokkunarkerfis­
ins fyrir árslok og ljóst er að stórar áskoranir eru framundan í
sorpmálum á landsvísu.
Vörslusvipting á
fjölda nautgripa
Um miðjan nóvember var greint frá því að starfsmenn Mat­
vælastofnunar hefðu í nokkra daga unnið að því að fjarlægja
vel á annað hundrað nautgripa frá Nýja Bæ í Borgarfirði.
Ýmist var gripunum komið fyrir annars staðar eða sendir í
sláturhús. Málið kom fyrst upp í ágúst þegar Steinunn Árna­
dóttir íbúi í Borgarnesi vakti athygli á óboðlegum aðstæðum
hrossa í hesthúsahverfinu í Borgarnesi og tilkynnti að um
dýraníð væri að ræða. Matvælastofnun ákvað nú að svipta
eigendur dýrunum vegna þess að þeir gerðu ekki þær úrbætur
sem krafist hafði verið og hafði fólkið áður bæði verið svipt fé
og hrossum. Málið vakti mikla athygli á landsvísu.
Tóku þyrluflug og
ganga á Akrafjall
Árgangur 1971 frá Akranesi er án efa samheldnasti árgangur
fyrr og síðar og hópurinn sem slíkur hefur beitt sér fyrir
ýmsum framfaramálum í heimabæ sínum gegnum tíðina. Á
árinu var komið að árgangsmóti, sem er fimmta hvert ár. Dag­
skráin hófst á fjallgöngu á Akrafjall og safnað hafði verið fyrir
þyrluferð fyrir skólabræðurna Svenna og Benna Kalla svo þeir
gætu hitt mannskapinn á toppi fjallsins, en þeir eiga aðeins
erfiðara með gang en aðrir. Sama gilti um Sævar Frey bæjar­
stjóra sem samkvæmt læknisráði fer ekki í fjallgöngur.
Nýr stigabíll til slökkviliðsins
Slökkvilið Akraness og Hvalfjarðarsveitar tók í lok september
á móti nýjum stigabíl. Bíllinn kemur frá þýska framleiðand­
anum Magirus, kostaði rúmlega 90 milljónir króna og mun
leysa af hólmi eldri bíl sem orðinn var úreltur. Nýi bíllinn
er mun betur útbúinn en sá eldri, stiginn nær upp í 42 metra
hæð og er með körfu sem ber fimm manns. Í körfunni er fjar­
stýranlegur vatnsmonitor, myndavél og ýmis annar búnaður
til björgunar­ og slökkvistarfa. Bíllinn er af Iveco gerð og í
honum er rafstöð auk alls búnaðar sem nauðsynlegur þykir
í dag.
Úrskurðarnefnd ógilti
byggingarleyfi
Undir lok október felldi Úrskurðarnefnd umhverfis­ og
auðlindamála úr gildi byggingarleyfi fyrir væntanlega
þangskurðarverksmðju Asco Harvester við Nesveg 22a í
Stykkis hólmi, en leyfið hafði verið veitt hálfum mánuði
áður. Fjórir aðilar höfðu kært útgáfu byggingarleyfisins til
úrskurðarnefndarinnar. Nefndin taldi að umrædd bygging
væri ekki í samræmi við gildandi aðalskipulag og að deiliskipu­
leggja hefði þurft svæðið áður en byggingarleyfið var gefið út.
Nú er unnið að því.
Frístundasvæði verður
íbúðarbyggð
Skipulagsstofnun samþykkti 27. október í haust breytingu á
aðalskipulagi Borgarbyggðar 2010­2022. Í breytingunni fólst
að 30 hektara hluti frístundasvæðis verður skilgreint sem
íbúðarbyggð. Þótt auglýsing þessi hafi ekki látið mikið yfir
sér má búast við að hún hafi fordæmisgefandi gildi víða, ekki
einvörðungu í Borgarbyggð, heldur á sveitarstjórnarstiginu
víðs vegar um landið þar sem menn hafa sóst eftir að mega
hafa skráða búsetu í frístundahúsum. Breytingu sem þessari
fylgja þó ýmsar kvaðir. Við hönnun og skipulagningu húsa
þarf vegghæð t.d. að vera meiri, skilgreindar geymslur sem
hluti húsnæðis og sitthvað fleira umfram kvaðir sem settar
eru við byggingu hefðbundinna frístundahúsa. Samhliða
slíkri breytingu þarf svo viðkomandi sveitarfélag að uppfylla
þjónustu á sama hátt og í öðrum íbúðarbyggðum, svo sem
um sorphirðu, snjómokstur, skólasókn barna sem þar munu í
framtíðinni búa og áfram mætti telja.