Saga - 2020, Page 119

búnaði sem Þóra og börnin bjuggu við á heimilinu. Mundi sú fyrr-
nefnda eftir að hafa séð Þóru með mar og bólgu fyrir neðan annað
auga.79
Við yfirheyrslur neitaði Helgi staðfastlega að hafa nokkurn tíma
misþyrmt konu sinni. Hann hafi ekki gert neitt af því sem kona hans
hafi haldið fram. Brottför konu sinnar vorið 1908 segir hann hafa
verið að undirlagi föður hennar. Síðar í mánuðinum gerðist svo það
sama og í máli Margrétar og Jörgens: Þóra bað um að kæran á hend-
ur manni sínum væri afturkölluð.80 Ekki kemur fram í málsskjölum
hvers vegna Þóra óskaði eftir því en ekki er ósennilegt að hún hafi
talið sig hafa betri möguleika á að fá samþykki Helga fyrir skilnaði
en hún hafði sótt formlega um hjónaskilnað árið áður. Við sáttaum-
leitun með þeim hjónum þann 21. júní árið 1920 hafði Helgi lýst því
yfir að kona sín hefði enga lögmæta ástæðu til að krefjast skilnaðar
að borði og sæng. Hann neitaði að samþykkja skilnað nema að hann
fengi forræði yfir öllum börnunum og „alla fjármunina“. Þóra hafði
ekki fallist á skilmála manns síns og var skilnaðarmálið því ófrá-
gengið.81 Beiðni Þóru um að ákæra gegn Helga yrði felld niður fylgdu
engir eftirmálar eins og hafði verið í tilviki Margrétar og Jörgens.
Samkvæmt 205 gr. almennra hegningarlaga frá 25. júní 1869 var
Þóru heimilt að fá málssóknina fellda niður.82 Vegna kröfu Þóru um
að fá forræði yfir börnunum hafði skilnaðarmálið farið til úrlausnar
hjá dómsmálaráðuneytinu. Þóra fór með sigur í málinu. Í maí 1923
fékk hún leyfi til skilnaðar að borði og sæng og forræði yfir öllum
börnunum.83 Eftir skilnaðinn vann Þóra fyrir sér og yngsta syninum
sem húskona á Kjörvogi í Strandasýslu. Samkvæmt prestþjónustu-
bók Strandasýsluprófastsdæmis lést Þóra í lok mars árið 1924 úr
krabbameini á spítala í Reykjavík.84
minn réttur … 117
79 ÞÍ. Sýsluskjalasafn. Húnavatnssýsla. Dóma- og þingbók GA/15, 1920–1922,
150–161.
80 ÞÍ. Sama heimild, 200–203.
81 ÞÍ. Skjalasafn stjórnarráðsins. Skrifstofa I. Db. 6 nr. 580.
82 Lovsamling for Island XX, 223.
83 ÞÍ. Skjalasafn stjórnarráðsins. Skrifstofa I. Db. 6 nr. 580.
84 ÞÍ. Kirknasafn. Árnes í Trékyllisvík. Strandaprófastsdæmi BC/8. Sóknarmann -
tal 1915–1924, 226; BA/6. Prestþjónustubók 1891–1924, 385.