Saga - 2020, Síða 124

skeruhátíð íslenskra sagnfræðinga,“ segir Sverrir Jakobsson. „Þarna
fæ ég tækifæri til að kynnast því hvað sagnfræðingar sem ég fylgist
annars ekkert með eru að gera. Þetta er til dæmis kjörið tækifæri
fyrir nýútskrifaða sagnfræðinga til að kynna verkefni sín. Þingin
hafa verið vel sótt hingað til, af eitthvað um 200 manns. Bæði 1997
og 2002 voru nemendur mjög margir og mér finnst að söguþingið
eigi að hluta til að vera tækifæri fyrir nýja kynslóð til að hitta aðra
sagnfræðinga. Eins og áður verða sögukennarar með og safnamenn.
Þetta hefur alltaf verið vettvangurinn þar sem allir þessir hópar hitt -
ast. Við ætlum heldur ekki að vanrækja félagslega þáttinn, það er
stefnt að því að halda félagslegri dagskrá. Við þessar erfiðu kring-
umstæður ákváðum við samt að hugsa um framtíðina. Ef sóttvarnar-
kröfur verða enn til staðar verður bara að gera ráðstafanir og við
verðum komin með heilmikla þjálfun.“
Söguþing verður að þessu sinni haldið í húsnæði Mennta vís -
indasviðs við Stakkahlíð sem Sverrir bendir á að sé vannýtt ráð -
stefnu hús en henti meðal annars vel með tilliti til sóttvarna. „Stakka -
hlíðin býður upp á mjög stóra sali þannig að þetta er besta hús -
næðið á háskólasvæðinu til að hafa pláss á milli fólks. Einhverra
hluta vegna eru margir ekki vanir að koma þangað en við ætlum að
reyna að breyta því og fara dálítið út fyrir boxið. Þetta verður Stakka-
hlíðarþingið.“
Með því að skoða hvað efst er á baugi á söguþingunum má oft
greina ákveðnar stefnur og strauma í sagnfræðinni. „Á síðasta sögu -
þingi, 2012, var til dæmis mikil áhersla á umhverfissögu,“ segir
Sverrir. „Nú förum við kannski að sjá einhverja stærri þróun sem
blasti ekki við á fyrsta söguþinginu. Ég er mjög spenntur að sjá hvað
sagnfræðingar eru að gera og uppgötva eitthvað nýtt. Það finnst
mér alltaf gerast á söguþingum, það kemur eitthvað nýtt og spenn-
andi í ljós. Það sem við getum verið viss um er að það verður mjög
fróðleg dagskrá og tækifæri til að kynnast nýjum rannsóknarverk-
efnum.“
Saga tekur að sjálfsögðu undir með Sverri og hvetur lesendur til
að taka dagana frá.
Kristín Svava Tómasdóttir
saga122