Úrval - 01.07.1966, Blaðsíða 106

104
ÚRVAL
um. Hann kallaði þessa sögu Vopn-
in kvödd.
Meðan Hemingway dvaldist
vestra, gerðist sá sorglegi atburður,
að faðir hans skaut sig til bana með
skammbyssu, en gamli maðurinn
hafði átt við heilsuleysi að stríða
og var auk þess skuldum vafinn.
Sjálfsmorð föðurins hafði mikil og
varanleg áhrif á Hemingway, hann
gat aldrei gleymt orsökum þess og
ekki heldur aðferðinni, sem faðir-
inn notaði til þess að stytta sér ald-
ur.
Árið 1931 tók Hemingway sig upp
frá Florida og settist að á Kúbu.
Hann var þó ekki lengi um kyrrt,
heldur brá sér á villidýraveiðar í
Afríku. Hann hafði skapað sér sér-
stakan stíl, gagnorðan og karlmann-
legan, sem fjöldi höfunda var þeg-
ar farinn að stæla, og hann hefur
sennilega verið farinn að skoða sig
sjálfan í svipuðu ljósi — sem hinn
fullkomna karlmann, sem skrifaði
ekki um neitt fyrr en hann hafði
reynt það sjálfur. Þetta álit Hem-
ingways á sjálfum sér olli miklu
missætti milli hans og þeirra, sem
voru annarrar skoðunar. Hinn
bandaríski gagnrýnandi, MAX
EASTMAN var t.d. svo óvarkár að
gefa í skyn, að sum verk Heming-
ways minntu á karlmann með
„gervihár á brjóstinu". Þessi um-
mæli urðu orsök kátlegrar deilu,
sem endaði loks með pústrum og
handalögmáli.
Spánska borgarastyrjöldin hófst
árið 1936, og Hemingway, sem þá
var orðinn heimsfrægur rithöfund-
ur, hélt þegar til vígstöðvanna sem
fréttamaður bandaríska blaðasam-
bandsins. Hugrekki hans og æðru-
leysi á vígvellinum er við brugðið
og fréttagreinar hans voru framúr-
skarandi. En hann hafði ekki verið
nema nokkrar vikur í Spáni, þeg-
ar hann tók að mótmæla dvöl leik-
arans Errols Flynn þar í landi, en
hann lék einmitt slíkar hetjur í
kvikmyndum, sem Hemingway vildi
vera í lífinu sjálfu. Hemingway
skýrði meira að segja frá ýmsum
atvikum, sem áttu að sýna „hug-
leysi“ Flynns.
Afstaða Hemingways í spönsku
borgarastyrjöldinni er ótvíræð, og
skáldsaga hans, Hverjum klukkan
glymur, er ákaflega áhrifamikið
verk, sem ber þess vott, hve gagn-
tekinn hann hefur verið af rás at-
burðanna. Árið 1938 hélt hann hina
„fyrstu og síðustu“ pólitísku ræðu
sína í félagi bandarískra rithöfunda
í New York, en í þessari ræðu réð-
ist hann harkalega á fasismann.
Þegar hann kom aftur til Spánar,
afhenti hann spönsku ríkisstjórn-
inni 40 þúsund dollara, sem hann
hafði fengið fyrir ræðuna.
Á Spáni kynntist Hemingway
bandarísku blaðakonunni Mörtu
Grellborn. Hún varð síðar þriðja
kona hans.
Þegar Bandaríkin gerðust stríðs-
aðili árið 1941, var Hemingway boð-
ið að taka þátt í leit að óvinakaf-
bátum á Karibahafi. Hann sýndi
mikið hugrekki í þessu starfi og
hlaut heiðursskjal frá Bandaríkja-
forseta fyrir framgöngu sína. Hann
var mjög stoltur af þessari viður-
kenningu og hafði skjalið jafnan
meðferðis hvar sem hann fór. Síð-
ar kom í ljós, að hann hafði ekki