Milli mála - 2023, Page 76
MILLI MÁLA
76 Milli mála 15/2/2023
dýramáli, a.m.k. er hún eina endingin sem við höfum séð, og að
lýsingarorð hafi ekki endilega sömu endingu og nafnorðið sem það
stendur með. Með alla þessa vitneskju getum við búið til nokkrar
setningar í viðbót, sbr. (23).
(23) a. Es þak fúrtinn ons?
er þetta virkið okkar
„Er þetta virkið okkar?“
b. Ig pansi úf þak se fúrtinn ons.
ég held-ekki að þetta sé virkið okkar
„Ég held ekki að þetta sé virkið okkar.“
c. Es þak vúbbí?
er þetta kónguló
„Er þetta kónguló?“
d. Ig pans úf þak se skæjadellí vúbbí.
ég held að þetta sé falleg kónguló
„Ég held að þetta sé falleg kónguló.“
Fleiri samtöl er ekki að finna í bókinni, a.m.k. ekki með heilum
setningum. Iggi og Ögga kveðja skordýrin með orðunum Ta ta, spons
(„Bless, krakkar“) og síðar kveðja skordýrin visnandi blómið með orð-
unum Ta ta, fúrt („Bless, virki“). Þar með eru málgögnin sem við
höfum um íslenskt skordýramál uppurin. Setningarnar sem við
bjuggum til eru ekki tæmandi, það er hægt að nýta efniviðinn til að
búa til talsvert fleiri segðir en hér hafa verið skráðar. Vissulega má
gera það líka með upprunamálið, skordýramál Ellis, og draga ýmsar
ályktanir um málkerfi þess. Við vitum t.d. að skordýramál Ellis hefur
lausa greininn unk, sbr. unk plonk („planta“) og unk furt („virki“), og að
eins og í ensku þá kemur lýsingarorðið á milli lausa greinisins og
nafnorðsins, sbr. unk scrivadelly gladdenboot („fallegt blóm“). Eins og
áður hefur komið fram eru málfræðireglur upprunamálsins ekki
alveg jafngegnsæjar og málfræðireglur íslensks skordýramáls, sbr. (24).
(24) a. Iz unk gladdenboot!
er óákv.gr. blóm
“Þetta er blóm!”
ES ÞAK G ÐASPRAÐA?
10.33112/millimala.15.2.3