Milli mála - 2023, Side 91

MILLI MÁLA
Milli mála 15/2/2023 91
heimsótti t.d. Wynyard í ágúst 1912 og nefnir það í bréfi til Helgu
systur sinnar að hann hafi hitt Petru (þ.e. Petrínu) og mann hennar.26
Þar kemur fram að þau njóti velgengni og hafi keypt sér bíl. Þó svo
að oft hafi verið langt milli íslenskra byggða innan Norður-Ameríku
var hreyfanleiki milli byggðanna meiri og jafnvel þvert yfir landa-
mærin, t.d. keypti Kristín, systir Steingríms, jörð við hliðina á jörð
Steingríms og Petrínu árið 1913 eftir að hafa misst mann sinn en
flutti síðan aftur til Mountain í Norður-Dakóta.27
Bréf urðu helsti samskiptamiðill fjölskyldunnar við ættingja sem
urðu eftir á Íslandi. Þó voru bréf ekki eini farvegurinn til að viðhalda
tilfinningatengslum við Ísland og í því samhengi má nefna persónu-
lega muni frá ástvinum, hárlokka og ljósmyndir. Í bréfi til Sigurgeirs
biður Petrína hann um að senda sér yfirsængina úr dánarbúi móður
þeirra (sem lést sama árið og Petrína fór vestur) og líka lokka úr hári
hans og barna sinna.28
Bréf til Fríðu
Hjá mörgum Íslendingum sem fluttu vestur urðu bréf mikilvægur
þáttur í samskiptum við vini og ættmenni heima, sem og annars
staðar í Norður-Ameríku, en Úlfar Bragason hefur nýlega tekið
saman gott yfirlit um rannsóknir á bréfum vesturfara frá Íslandi og
öðrum Evrópulöndum.29 Varðveitt bréf Petrínu eru 14 talsins en
fjögur þeirra eru stíluð á Sigurgeir bróður hennar og geymdi
Arnfríður þau áfram eftir andlát hans. Hin tíu bréfin eru til
Arnfríðar. Fimm bréf eru óheil en af tímasettu bréfunum er það elsta
skrifað skömmu eftir komuna til Dakóta, 29. desember 1893. Petrína
skrifaði sjálf öll bréfin en lét Steingrím skrifa nokkrar línur í fyrsta
bréfinu og hvatti sömuleiðis Jón, elsta son sinn, til að skrifa Arnfríði
frænku sinni, sbr. hér að neðan.
26 Jón Halldórsson, Atriði ævi minnar, 176.
27 Reflections by the Quills, 95.
28 Petrína Guðmundsdóttir til Sigurgeirs Guðmundssonar, 29. desember 1893.
29 Úlfar Bragason, Frelsi, menning, framför, 20–24. Sjá einnig Böðvar Guðmundsson, Bréf Vestur-
Íslendinga, 3 bindi.
KATELIN MARIT PARSONS