Milli mála - 2023, Side 92

MILLI MÁLA
92 Milli mála 15/2/2023
Auk þess að skrifast á við fjölskyldumeðlimi hafði Petrína óform-
legan aðgang að Íslandsbréfum í gegnum tengslanet sitt í Ameríku.
Í fyrrnefndu bréfi til Sigurgeirs segist hún ekki hafa fengið bréf að
heiman í misseri en fengið aðgang að bréfum annarra: „Við höfum...
frétt úr bréfum Helga og Þórarins eins og ævinlega. Svo lesum við
ævinlega Björns Jónassonar bréf.“30 Hér er um að ræða nágranna
Petrínu en í öðru bréfi til Sigurgeirs kemur fram að bréf geti farið í
dreifingu víðar en bara innan byggðarinnar:
Ég var núna að lesa bréf frá Jóni eldra Halldórssyni. Jón bróðir hans sendi
mér það til að lesa. Jón er kjurr suður í Nebraska þar sem hann var. Hann
er ríkur—á 3 hundruð gripi. Hann og börnin eiga 8 lönd. Halldóra er rík.
Stína er ein í húsi sem hún á. Börn Jóns oft hjá henni. Sigurbjörg er dáin
og tvær dætur hennar. Ég sá í þessu bréfi Jóns margt heimanað sem ég
vissi ekki um því Helga var nýbúin að skrifa honum.31
Bjartsýni einkennir bréf Petrínu til Sigurgeirs og ljóst er að hún vill
sýna bróður sínum jákvæða mynd af Ameríku. Hún nefnir oft skóla-
göngu í bréfum sínum og er greinilega umhugað um menntun barna
sinna. Á þeim tíma voru fá tækifæri fyrir börn að stunda formlegt
bóknám á Íslandi og sjaldgæft að venjuleg sveitafjölskylda eins og
hennar ætti kost á að senda öll börnin í skóla en það var einmitt afrek
Petrínu og Steingríms að allir þrír strákarnir komust í framhalds-
skóla í Norður-Ameríku. Draumurinn um menntun barnanna gæti
hafa verið sterkur hvati til hreyfings fyrir foreldrana en tilgangur
bréfanna er ekki aðeins að halda sambandi við bróðurinn, enda má
sjá að Petrína hvetur Sigurgeir til þess að flytja vestur svo að Fríða
litla geti einnig gengið í skóla. Skrifar Petrína:
30 „[V]id höfum samt freitt úr brjefum Helga og Þórarins eins og æfinlega svo lesum vid æfinlega
Björs [svo] Jónassonar brjef.“ Petrína Guðmundsdóttir til Sigurgeirs Guðmundssonar, 29.
desember 1893, 3v. Hér er væntanlega átt við Helga Stefánsson (hálfbróður Jóns Stefánssonar,
Þorgils gjallanda), Þórarin Stefánsson og Björn Jónasson frá Narfastöðum.
31 „[E]g var núna ad lesa brjef frá Jóni eldra Halldórssini Jón bródir hans sendi mjer þad til ad lesa
Jón er kjur sudurí Nebraska þar sem hann var hann er ríkur á 3 hundruð gripi hann og börnin eiga
8 lönd Halldóra er rík Stína er ein í húsi sem hún á börn Jóns oft hjá henni Sigurbjörg er dáinn
og tvær dætur hennar eg sá í þessu brjefi Jóns mart heimanad sem eg vissi ekki um því Helga var
níbúinn ad skrifa honum“. Petrína Guðmundsdóttir til Sigurgeirs Guðmundssonar, 16. apríl
1907(?), 7v.
SVAR VIÐ BRÉFI FRÍÐU
10.33112/millimala.15.2.4