Milli mála - 2023, Page 94
MILLI MÁLA
94 Milli mála 15/2/2023
ingu frá Þorláki Jónassyni að Arnfríður sé skáldkonan Fríða.34 Því
miður hefur fyrri hluti bréfsins glatast og ekki kemur fram á varð-
veitta blaðinu um hvaða ljóð er að ræða en það hlýtur að vera meðal
fyrstu ljóða Fríðu sem birtust á prenti því bréfið er skrifað fyrir and-
lát Sigurgeirs 12. febrúar 1911.35 Hugsanlega er það ljóðið „Ísland í
fornöld“, sem birtist í Óðni í mars 1906 en var endurprentað í Lögbergi
24. maí sama ár.36 Petrína biður Fríðu um að senda sér ljóðin sem hún
yrkir og á væntanlega við handskrifað afrit, enda voru aðeins stök
kvæði eftir Fríðu farin að birtast í blöðum.
Petrína vill ekki að Arnfríður sýni öðrum „þetta klór“ eins og hún
kallar skriftina sína.37 Þetta er eina bréfið sem Petrína vill ekki að fari
í almenna dreifingu og það kann að vera vegna einhvers sem er getið
í þeim hluta bréfsins sem hefur farið forgörðum. Þó er líklegra að það
sé af tillitssemi við bróður sinn en í bréfinu óskar Petrína þess heitt
að frænkan sjálf væri komin til hennar og ekki bara ljóðin. Ljóst er
að Sigurgeir hefur tekið afgerandi ákvörðun um að vera um kyrrt en
Petrínu dreymir um að Arnfríður geti komið og ekki síst vegna þess
að Petrína er sívinnandi en er farin að þreytast.
Í öðru ódagsettu bréfi sem var skrifað á pálmasunnudegi kemur
fram að Arnfríður hefur nýlega orðið fyrir sárum ástvinamissi og
hefur að því virðist ákveðið að flytja til Petrínu og Steingríms í
Wynyard. Petrína hripar í flýti bréf til að láta frænkuna vita að hún
og Steingrímur séu að gera ráðstafanir um að senda fargjaldið.38
Trúlega var það andlát Sigurgeirs sem hefur orðið Arnfríði svo þung-
bært. Fátt kemur fram í bréfinu af fréttum sem gæti staðfest þessa
tímasetningu en Petrína nefnir þó að prentari í Wynyard ætli að gefa
út íslenskt blað. Prentarinn mun vera Sveinn Oddsson en fáar heim-
ildir hafa varðveist um blaðið. Í bókinni Saskatchewan Icelanders
kemur aðeins fram að það hafi verið skammlíft en ekki hvað blaðið
hafi heitið eða nákvæmlega hvenær það kom út.39
34 Petrína Guðmundsdóttir til Arnfríðar Sigurgeirsdóttur, ódagsett, 1r.
35 Ekki er hægt að tímasetja bréfið mjög nákvæmlega en það var greinilega ritað fyrir andlát
Sigurgeirs í febrúar 1911 því Petrína biður kærlega að heilsa honum.
36 Arnfríður Sigurgeirsdóttir [Fríða, dulnefni], „Ísland í fornöld“, 2.
37 Petrína Guðmundsdóttir til Arnfríðar Sigurgeirsdóttur, ódagsett, 1v.
38 Petrína Guðmundsdóttir til Arnfríðar Sigurgeirsdóttur, skrifað í „Viniard á pálmasunnudag“, 1r.
39 Lindal, The Saskatchewan Icelanders: A Strand of the Canadian Fabric, 161.
SVAR VIÐ BRÉFI FRÍÐU
10.33112/millimala.15.2.4