Milli mála - 2023, Page 219
Milli mála 15/2/2023 219
Hólmfríður Garðarsdóttir
Háskóla Íslands
Um Cristinu Civale
Ég skrifa af því að aðrar gerðu það á undan mér .
Mig dreymir, ég elska og er aldrei ein.1
Argentínski rithöfundurinn, blaðamaðurinn og menningarfröm-
uðurinn Cristina Civale (f. 1960) lauk BA-gráðum í fjölmiðlun
og bókmenntafræði frá Buenos Aires-háskóla árið 1985 og framhalds-
námi í handrita- og kvikmyndagerð frá San Antonio de los Baños
kvikmyndaskólanum á Kúbu, árið 1988.2 Eftir hana liggur fjöldi
myndverka bæði í heimalandinu og á Spáni. Sjónvarpsería hennar
Innan frá (Desde adentro), sem Canal 13 sýndi í Argentínu, vann til
fjölda verðlauna. Civale hefur starfað sem pistlahöfundur hjá
dagblöðum og tímaritum eins og Página 12, Gente og Diario Perfil í
Argentínu, Elle og El País á Spáni og Elle og II Manifiesto á Ítalíu.
Síðasta áratuginn hefur hún verið ritstjóri menningartímaritsins
Gazpacho sem Menningarmiðstöð Spánar í Buenos Aires gefur út og
skrifað pistla fyrir Ñ, menningarkálf stórblaðsins Clarín. Menningar-
og þjóðfélagsmál eru henni hugleikin þótt aðaláhersla pistlaskrifa
hennar í seinni tíð sé innan kvikmyndarýni.
Civale á að baki fjölskrúðugan rithöfundaferil. Hún kom fyrst
fram á ritvöllinn með útgáfu þriggja skáldsagna á tíunda áratug
síðustu aldar (þ.e. Hijos de la mala madre (1993), Chica fácil (1995) og
1 „Escribo porque antes otres lo hicieron […] soñé y amé y no estuve más sola” (sjá: https://www.
amazon.com/-/es/Cristina-Civale/dp/9871583095).
2 Civale hefur leikstýrt bæði stutt- og heimildamyndum. Meðal þeirra eru: Un hombre en el pasillo
(1987) ásamt Mucho macho, Todos los hombres son mortales, Yo no soy una cualquiera og Indulto no, frá
tíunda áratug síðustu aldar. Að auki hefur hún tekið þátt í gerð sjónvarpsseríanna De poeta y de loco
(1996) og Laura y Zoe (1998) og skrifaði handrit kvikmyndarinnar Un argentino en Nueva York
(1997) ásamt Gracielu Maglie.