Milli mála - 2023, Qupperneq 223

Milli mála 15/2/2023 223
en að taka mig með af því að þau gátu ekki skilið mig eina eftir
heima. Það sem hann raunverulega vildi var að skilja mig eftir, spila
botsía við vini sína og borða steik. Honum þótti léttsteikt bris með
chimichurri-sósu2 afar gott og hann bað mömmu reglulega um að
útbúa chimichurri með mikilli myntu. Það gerði hún eftir að hafa
undirbúið kvöldverðinn, á meðan hann sat og reykti filterslausar
sígarettur. Chimichurri-sósan var stolt móður minnar. Hún geymdi
hana í litlum glerflöskum undan hóstasaft. Hún fjarlægði einfaldlega
merkimiðann og sótthreinsaði flöskurnar vandlega. Pabbi gekkst
upp í því að monta sig af sósunni við vini sína, en öfugt við móður
mína upplifðu þeirra eiginkonur frelsi þessa laugardaga sem eigin-
menn þeirra fóru í garðinn til að spila botsía.
Alla laugardaga upp úr klukkan tíu tókum við pabbi strætó sem
stoppaði fimm húsaröðum frá blokkinni þar sem við bjuggum, í
Lerma og Córdoba hverfinu við útjaðar Villa Crespo. Mamma hafði
tekið strætó klukkan hálfátta til að fara á þessa aukavakt og auðvitað
hafði hún pakkað í töskuna mína. Hún hafði líka lagt fötin sem ég
átti að klæðast þennan dag á stólinn í herberginu mínu. Þegar hún
gerði það fannst mér alltaf eins og litirnir pössuðu ekki saman og
heildarmyndina skorti fágun. Hvorki ég eða pabbi náðum að kveðja
hana þennan dag. Við sváfum enn og þessa daga hagaði hún sér eins
og auðmjúk eiginkona og þorði ekki að vekja okkur. Það var alger
undantekning þegar hún kom heim úr vinnunni og færði mér Jack-
súkkulaði og lagði þannig sjálfviljug til hlut í safn mitt af plastdýr-
um.
Hvað strætóinn varðaði var stoppistöðin tíu húsaröðum frá garð-
inum og við þurftum að klöngrast yfir stokka og steina að ánni, því
til þess að komast þangað þurfti líka að taka ferju. Garðurinn stóð
við Tigre-ána og tilheyrði starfsmannafélagi vinnustaðar mömmu,
banka, þar sem hún starfaði sem aðstoðarkona eins af
framkvæmdastjórunum. Ég vissi aldrei nákvæmlega hvað hún gerði
en hún eyddi nánast öllum dögum þar, frá mánudegi til laugardags
frá átta að morgni til sjö að kveldi og eftir það sá ég hana varla þar
sem hún fór að heimsækja móður sína og kom heim rétt í tíma til að
2 Mojellas con chimichurri er argentínskur kjötréttur. Hann er samsettur úr léttsteiktu brisi í sósu sem
gerð er úr fersku kryddi, hvítlauk og olíu. https://www.mbl.is/matur/frettir/2017/05/02/argent-
insk_kjotsosa_sem_fer_vel_med_kroppinn/
CRISTINA CIVALE