Mímir - 01.06.2005, Side 60

nemendur sem samþykktu tvær eða fleiri af ótæku
viðmiðunarsetningunum voru ekki teknir með í
útreikningana í niðurstöðunum. Þeir voru 7 talsins
og þá voru eftir 78 nemendur, 32 drengir og 43
stúlkur en 3 nemendur merktu ekki við kyn. í töflu 5
kemur fram fjöldi þátttakenda úr hverjum bekk.
Tafla 5. Fjöldi þátttakenda.
Skóli Bekkur Nemendur
VE 7. 24
9. 21
AE 7. 20
9. 13
Alls 78
í athugun minni voru setningarnar vaidar
sérstaklega til að kanna ýmis einkenni á þessari
nýju setningagerð sem þær Sigríður og Joan töldu
að kanna þyrfti betur. Eins og fram kom f fyrri
rannsóknum þeirra virðist nýja setningagerðin
ganga betur með setningum sem hafa andlag í
þágufalli en setningum sem hafa andiag í þolfalli. Til
að skoða þetta betur voru nokkrar slíkar setningar
hafðar með. Einnig virðist nýja setningagerðin
ganga betur með andlögum sem tákna manneskju
en andlögum sem tákna hlut og skipti þá ekki máli
hvort andlagið var í þolfalli eða þágufalii. Stórum
hluta athugunarinnar var ætlað að skoða þetta
betur. Nokkur lágmarkspör voru höfð með til að
athuga hvort nýja setningagerðin gangi betur með
andlagi sem er persónufornafn en andlagi sem
er nafnorð. Einnig var athugað hvort unglingarnir
samþykkja nýju setningagerðina þegar hún er
með geranda í forsetningarlið en eins og áður
kom fram ætti ekki að vera hægt að hafa geranda
í forsetningarlið ef tilgáta Sigríðar og Joan reynist
rétt. Þá var athugað hvort ákveðni nafnliðarins
skiptir máli í nýju setningagerðinni því lágmarkspör
sem kanna þetta vantaði í rannsókn Sigríðar og
Joan. Nokkrar setningagerðir í viðbót voru einnig
athugaðar en ekki verður rætt um þær niðurstöður
hér.
4.2 Niðurstöður athugunarinnar
4.2.1 Nýja setningagerðin í skólum austan og
vestan Elliðaáa
Niðurstöður úr könnun Stefaníu Björnsdóttur virðast
benda til þess að notkun nýju setningagerðarinnar
sé meiri hjá yngri krökkum og minnki eftir því
sem börnin eldast. Hugsanlegar ástæður fyrir
því eru tvær, annars vegar sú að notkun nýju
setningagerðarinnar sé að aukast meðal barna,
hins vegar sú að börnin læri smátt og smátt að
nýja setningagerðin er „rangt mál“ og þau noti
hana því alla vega ekki í ritmáli. í athugun minni
var upphaflega ætlunin að bera saman þessa
tvo aldurshópa, 7. og 9. bekk. Niðurstöður
athugunarinnar eru þó ekki að öllu leyti eins og
við mætti búast. í skólanum austan Elliðaáa var
hlutfall jákvæðra svara nokkuð hærra hjá 9. bekk
en 7. bekk. í skólanum vestan Elliðaáa var þetta
öfugt en aftur á móti var útkoman hjá 9. bekk
vestan Elliðaáa oft svipuð og útkoman hjá 7. bekk
í skólanum austan Elliðaáa. Þessar niðurstöður
koma á óvart miðað við fyrri kannanir. Ástæðan
er líkast til sú hversu fáir nemendur voru prófaðir
í hverjum bekk. I þessari athugun var úrtakið ekki
stórt og niðurstöðurnar eru ekki eins marktækar og
í umfangsmeiri rannsóknum. í svona litlu úrtaki hafa
svör hvers einstaklings meira vægi og ná að setja
svip sinn meira á niðurstöðurnar. Bekkir í hverjum
árgangi geta líka verið misjafnir, í sumum bekkjum
eru margir sem hafa náð góðum námsárangri en
í öðrum bekkjum geta verið margir sem hafa ekki
náð eins góðum námsárangri. í skólanum austan
Elliðaáa gæti þetta verið hluti af skýringunni,
krakkarnir í 7. bekk virtust fljótt á litið vera mjög
námsfús hópur en í 9. bekk virtust krakkarnir ekki
eins spenntir fyrir lærdómnum. Krakkarnir í þessum
9. bekk voru mjög fáir og það hefur einnig áhrif á
niðurstöðurnar. Hér á eftir verður því svörum úr 7.
og 9. bekk stundum steypt saman þar sem það
gefur oft skýrari niðurstöður.
í rannsókn Sigríðar og Joan var hlutfall jákvæðra
svara miklu iægra í skólunum vestan Elliðaáa í
Tafla 6. Hlutfall jákvæðra svara í hvorum skóla.
Nýja setningagerðin með 1. pfn. í andlagssæti. Skóli VE Skóli AE
a. *Það var hrint mér í leikfimi í gær. 33% 58%
b. *Það var ýtt mér út úr rúminu í morgun.
Tafla 7. Hlutfall jákvæðra svara í hverjum bekk.
Nýja setningagerðin með 3. pfn. í andlagssæti. Skóli VE Skóli AE
7. 9. 7. 9.
a. Það var barið hana fyrir framan blokkina í gær. 58% 34% 45% 81%
b. Það var rekið hann úr handboltaliðinu síðasta sumar.
58