Goðasteinn - 01.09.1998, Page 233
ANNÁLAR
Goðasteinn 1998
Kvenfélög
Oddakirkja og safnaðarheimili. Ljósmynd: Ottó Eyfjörð.
50.000 til tölvukaupa ásamt tveim öðrum
kvenfélögum sem hvort um sig lögðu jafn-
mikið af mörkum. Einnig gaf kvenfélagið
skólanum ræðupúlt. Til kaupa á listaverk-
inu Sæmundur á selnum eftir Asmund
Sveinsson veitti félagið kr. 20.000. Pen-
ingastyrkir til einstaklinga námu á árinu kr.
90.000. Auk þess hafa minni upphæðir
verið gefnar til samtaka og einstaklinga.
Kvenfélag Oddakirkju starfar og stend-
ur á gömlum merg og á sér 30 ára sögu.
Kannski er kominn tími til að breyta, þá á
ég við að félagið þarf að stækka og verða
sterkara f stuðningi sínum við kirkjuna og
safnaðarstarfið, sem það er jú í upphafi
stofnað utan um. I raun hafa tímarnir
breyst og mennirnir með. Réttara væri að
félagið yrði safnaðarfélag og stæði þar
með bæði körlum og konum innan
Oddasóknar opið. Safnaðarfélag gæti á
markvissari hátt staðið að uppbyggilegu
starfi fyrir fólk í söfnuðinum sem vill
fræðast um kristna trú, efla tengsl við aðra
í sókninni og um leið geta kynnt sér frekar
hina ýmsu leyndardóma trúarinnar, lesið í
Biblíunni, beðið saman o.s.frv.
Safnaðarfélög standa eða geta staðið
fyrir ýmsum uppákomum eins og safnaðar-
ferðum með tilheyrandi útivist, grilli á
góðviðrisdögum og gönguferðum í nátt-
úrunni. í slíkum ferðum getur öll fjölskyld-
an notið lífsins saman.
Eg varpa þessu svona fram og tek það
fram að þessar hugmyndir hef ég ekki rætt
um né ritað áður en vonast til að fá við-
brögð frá fólki í söfnuðinum. Það skal auð-
vitað tekið fram að Kvenfélag Oddakirkju
hefur sannarlega alla tíð staðið undir nafni
og sinnt skyldum sínum af mikilli fórnfýsi
kvenfélagskvenna. En kannski eru konur á
stundum a.m.k. orðnar þreyttar á því að
þjóna og ég veit að allar vilja fræðast.
1 stjórn Kvenfélags Oddakirkju sitja nú
eftirtaldar konur: Jóhanna Friðriksdóttir,
formaður, Kristbjörg Sigurjónsdóttir,
varaformaður, Þórný Oddsdóttir, gjaldkeri,
Svanborg Jónsdóttir, ritari, Margrét
Bjarnadóttir og Unnur Þórðardóttir, með-
stjórnendur.
Jóhanna Friðriksdóttir, formaður
-231-