Goðasteinn - 01.09.1998, Page 279
ANNÁLAR
Goðasteinn 1998
Dánir
/
Erla Oskarsdóttir, Búð, Þykkvabæ
Erla fæddist 19. maí 1938 í Ysta-
Bæli undir Eyjafjöllum. Foreldrar
hennar voru Sigríður Ingimundardóttir
frá Ysta-Bæli og Óskar Magnússon frá
Steinum undir Eyjafjöllum. Þau giftust
ekki en Sigríður giftist Jóni Stefánssyni
og hann var Erlu sem hennar eigin fað-
ir. Jón og Sigríður bjuggu í Reykjavík.
Þau eignuðust fjögur börn, Stefán,
Karenu, Bryndísi og Steinunni.
Erla ólst upp hjá ömmu sinni og afa
í Ysta-Bæli og hjá mömmu sinni og
fósturföður í Reykjavík. Þegar kom að
skólagöngu var hún hjá þeim á veturna
og gekk í Gagnfræðaskóla Austur-
bæjar. A sumrin var hún hjá afa sínum
og ömmu í Ysta-Bæli og tók þátt í hey-
skapnum og annari menningu sveitar-
innar. Hún var snemma góð íþrótta-
kona, rösk sundkona, glaðlynt barn og
unglingur, dugleg við alla vinnu.
Hún vann á unglingsárunum í
súkkulaðiverksmiðju og fiski í Reykja-
vík og ferðaðist til Ítalíu. Svo réði hún
sig í fisk á vertíðir í Vestmannaeyjum.
Þar kynntust þau Daníel Sigursteinn
Haíliðason frá Þykkvabæ og hún flutti
með honum heim á föðurleifð hans í
Búð. Þau giftu sig í Þykkvabæ á gaml-
árskvöld 1960 og bjuggu þar jafnan
síðan og byggðu sitt eigið hús. Börn
þeirra eru þrjú, Sigurður Jón, Kolbrún
Kristín og Hafrún Inga. Þau voru öll
nátengd mömmu sinni og komu oft í
Búð með fjölskyldur sínar þegar þau
eignuðust eigin heimili. Kona Sigurðar
er Soffía Bragadóttir, hennar dóttir er
Dagmar Atladóttir og dætur þeirra Sig-
urðar eru Sara og Stella. Maður Krist-
ínar er Ellert Hreinsson og þau eiga
dótturina Hafdísi. Hafrún Inga á soninn
Hrannar Mána en faðir hans er Gestur
Guðjónsson.
Erla vann mörg haust í sláturhúsinu
í Þykkvabæ og réðst seinna í vinnu við
matseld við virkjanirnar inni á hálend-
inu. Eftir það vann hún við kartöflu-
pökkun í Þykkvabæ og svo í kartöflu-
verksmiðjunni. Síðustu árin unnu þau
Daníel saman við að baka brauð, kökur
og kleinur og seldu bakstur sinn og
kartöflur í Kolaportinu í Reykjavrk um
helgar. Auk alls þessa ræktaði Erla
garðinn við hús þeirra og fékk verðlaun
fyrir fegurð og góða umgengni frá
Búnaðarsambandi Suðurlands árið
1977.
Lífsgæfa Erlu var mikil og fólst í
skapgerð hennar, dugnaði, trú hennar,
fjölskyldu og vinum. Hún var glaðlynd
og mannblendin og fólk laðaðist að
henni vegna bjartsýni hennar og hlýju
og einstakra hæfileika hennar til að
gefa öðrum af lífsgleði sinni, dugnaði
og velvild. Hún var trúkona og sótti
kirkju sína. Hún var góður nágranni í
Þykkvabæ og traust félagskona í Kven-
félaginu Sigurvon. Hún var mikil
-277-