Goðasteinn - 01.09.1998, Qupperneq 294

ANNÁLAR
Goðasteinn 1998
Dánir
við Hvolsskóla um tíma og einnig vann
hún í húsgagnaiðju K.R. og víðar.
Eftir 17 ára búsetu á Hvolsvelli
fluttu þau Kristín og Ástvaldur til
Reykjavíkur og ári síðar keyptu þau sér
íbúð að Ásbraut 9 í Kópavogi og áttu
þar heimili síðustu árin. Kristín sló
ekki slöku við eftir að suður kom. Hún
vann þar m.a. við sauma hjá fataverk-
smiðjunni Max og einnig hjá TM-hús-
gögnum og loks starfaði hún í versl-
uninni Hagkaup þar til hún náði sjö-
tugsaldri. Auk alls þessa annaðist hún
um mann sinn og hjúkraði honum
heima eftir að heilsu hans tók að
hnigna til muna nokkur síðustu árin
sem hann lifði.
Kristín átti sér mörg áhugamál og
nýtti sér vel þau tækifæri sem gáfust til
að efla þekkingu og færni til að sinna
þeim. E.t.v. var hún með því að bæta
sér upp það sem hún taldi sig hafa farið
á mis við á æskuárum. I Vestmanna-
eyjum hafði hún lært að aka vörubíl og
nýttist það til þess að leysa mann sinn
af við fiskflutninga er hann veiktist á
miðri vetrarvertíð. Hún sótti einnig
námskeið í tungumálum og hafði náð
góðum tökum á málum nágrannaþjóð-
anna. Á árunum í Eyjum hafði hún
einnig tvívegis siglt með fiskibátum í
söluferðum til Bretlandseyja.
Á seinni árum höfðu þau hjónin
Kristín og Ástvaldur mikið yndi af því
að ferðast og auðnaðist að fara víða,
bæði innan lands og utan og auðgast
þannig að nýrri reynslu og þekkingu.
Kristín hafði mikið yndi af söng og
hafði sungið með kórum bæði í
Vestmannaeyjum og á Hvolsvelli með
Samkór Rangæinga.
Kristín hafði átt við alllangvinn
veikindi að stríða, en bar þau með
æðruleysi. Síðasta árið, eftir lát manns
hennar, hnignaði heilsu hennar enn.
Var hún þá um nokkurra mánaða skeið
hjá börnum sínum, lengst af hjá Sóley
dóttur sinni og Ágústi Inga manni
hennar og naut hjá þeim umhyggju og
hjúkrunar með góðri aðstoð frá heilsu-
gæslustöðinni á Hvolsvelli. Síðasta
mánuðinn var hún síðan á Sjúkrahúsi
Reykjavíkur þar sem andlát hennar bar
að höndum.
Utför hennar fór fram frá Breiða-
bólsstaðarkirkju l.júlí 1997.
Sr. Sváfnir Sveinbjarnarson,
Breiðabólsstað.
Kristín Bergþóra Loftsdóttir,
Framnesi
Kristín fæddist 3. febrúar 1914 í
Klauf í Vestur-Landeyjum. Foreldrar
hennar voru Þórunn Sigurðardóttir frá
Ysta-Koti og Loftur Þorvarðarson frá
Klasbarða. Þau voru bæði af rang-
-292-