Goðasteinn - 01.09.1998, Page 295
ANNÁLAR
Goðasteinn 1998
Dánir
æskum bændaættum. Loftur var ungur
tekinn í fóstur að Klasbarða til
Jórunnar Loftsdóttur og Bergs Guð-
mundssonar. Hann fluttist með þeim
frá Klasbarða að Klauf árið 1904 en þá
voru vötnin við Klasbarða tekin að
gerast ágeng.
Loftur og Þórunn giftust 1909 og
bjuggu fyrstu fimm árin á hálfri jörð-
inni á móti Jórunni og Bergi en tóku
við jörðinni allri árið 1914. Börn Þór-
unnar og Lofts voru sex. Tvö þeirra
dóu kornung og sonur þeirra Karl
Oskar dó þrettán ára gamall. Systkinin
þrjú sem komust til fullorðinsára voru
Jóhann Bergur, Kristín Bergþóra og
Margrét.
Kristín Bergþóra sem var daglega
kölluð Stína, ólst upp heima hjá for-
eldrum sínum og systkinum og fór
snemma að hjálpa til við búskapinn.
Mamma þeirra var oft ein með börn og
bú því Loftur fór lengi til vertíða í
Vestmannaeyjum. Heimilið í Klauf var
afar glaðlegt og skemmtilegt, og fólki
þótti gott að vera þar. Eiríkur Guð-
mundsson frá Eyrarbakka var þar í níu
sumur og var eins og bróðir systkin-
anna þar. Hann kallaði foreldra þeirra
sína foreldra og þakkar þá lífssýn sem
þau mátu sjálf og kenndu öðrum, gildi
sem gera allar manneskjur og allt lífið
betra. Anna Valdimarsdóttir, vinkona
Stínu og frænka, lýsir líka glaðlyndi
hjónanna í Klauf og þeirri skemmtun
sem höfð var um hönd þegar gestir
komu en þá var oft spilað púkk fram
undir morgun.
Þegar Stína var 18 ára fór hún í
fyrstu vistina sína, að Holti í Stokks-
eyrarhreppi. Hún var þar í þrjá vetur en
var um tíma eftir það hjá foreldrum
Eiríks Guðmundssonar á Eyrarbakka.
Stína fór svo í vist í Reykjavík og var
þar í tvo vetur hjá Ingibjörgu Isaksdótt-
ur og Jóni Magnússyni við Vesturvalla-
götu.
Árið 1942 fór Stína til Vestmanna-
eyja og var þar fyrst í vist en vann svo í
28 vertíðir í Hraðfrystistöð Vestmanna-
eyja. Hún bjó þá hjá bróður sínum og
mágkonu, Jóhanni Bergi og Ragnhildi
Magnúsdóttur, og börnum þeirra þrem-
ur, Karli og tvíburunum Magnúsi og
Þóreyju. Hún tók þátt í uppeldi barn-
anna og öllu heimilislífi. Hún kom til
Vestmannaeyja á haustin en fór heim í
Klauf á vorin og var þar um sumarið.
Foreldrar hennar bjuggu í Klauf til
haustsins 1957 en þá dó Þórunn móðir
hennar. Loftur brá þá búi og hann og
Stína fluttu bæði að Framnesi til
Margrétar og Guðbjarnar vorið 1958.
Þar átti Stína heima eftir það. Hún hélt
áfram að fara á vertíðir til Vestmanna-
eyja fram að gosi 1973. Á sumrum var
hún hluti af heimilislifi og störfum í
Framnesi og tók þátt í uppeldi tvíbur-
anna þar, Þórunnar og Jónu.
Stína var ljóðelsk og minnug á perl-
ur þjóðskáldanna í bundnu máli, naut
sígildrar tónlistar, hafði fallega söng-
rödd og naut sín f hópi góðra vina. Hún
ferðaðist ekki víða en hreifst af gerð og
litum náttúrunnar, tók vel eftir því og
festi í minni.
Stína bjó síðustu árin að Dvalar-
heimilinu Lundi, fluttist þangað 1992
en hafði þá orðið fyrir áfalli sem dró
smám saman úr andlegum og líkam-
-293-