Múlaþing: byggðasögurit Austurlands - 2020, Qupperneq 16

15
Veröld sem var - Glefsur úr sögu símans á Fljótsdalshéraði
Á Unaósi í Útmannasveit var svokölluð eftirlitsstöð og fylgdist bóndi með línunni yfir til Borgarfjarðar. Eigandi
myndar: Ljósmyndasafn Austurlands.
símstöð í hinu unga þorpi. Örfá hús eða stofn-
anir höfðu þó áður fengið síma sem tengdur
var frá símstöðinni á Egilsstöðum og var þar
notuð lína sem orðið hafði eftir þegar hermenn
yfirgáfu staðinn í stríðslok. Koma símans
gjörbreytti öllum samskiptum bæði í við-
skiptum og manna á meðal og eftir því sem
íbúum þorpsins fjölgaði og atvinnulífið varð
fjölbreyttara var kallað eftir aukinni þjónustu
og lúxus eins og heimilissími varð sjálfsagður.
Þegar sú er þetta ritar flutti austur á Fljóts-
dalshérað í byrjun árs 1967 var tvíeykið Póstur
og sími orðinn þýðingarmikill atvinnurekandi
á svæðinu með á milli 20 og 30 manns í vinnu.
Í þeim hópi voru talsímakonur, símvirkjar,
starfsmenn endurvarpsstöðvar á Eiðum, starfs-
menn póstsins og verkamenn. Um svipað
leyti var hafist handa við að vinna að því að
gera símann sjálfvirkan. Það kallaði á stærra
húsnæði og árið 1970 var tekið í notkun nýtt
glæsilegt símstöðvar- og pósthús á Egils-
stöðum. Húsið var byggt af Byggingafélaginu
Brúnás sem í kjölfarið vann svo að byggingu
símstöðvarhúsa í nágrannabyggðum. Er ekki
að efa að þessar framkvæmdir hafa skipt
miklu máli á sínum tíma og skapað atvinnu
á svæðinu. Þessi hús hafa nú öll fengið nýtt
hlutverk. Fátt minnir á fortíðina utan þess að
í munni eldri bæjarbúa er gjarnan enn talað
um símstöðina.
Minningar símastúlku
Ég vann um nokkurra ára skeið á símstöðinni
á Egilsstöðum. Það voru skemmtileg ár og hef
ég alltaf litið á það sem „bónus“ í lífinu að
hafa fengið að kynnast starfi símastúlkunnar.
Þegar ég hóf störf haustið 1968 var allt
með gamla laginu og bæjarbúar afgreiddir í
gegnum miðstöð. Þegar stöðvarstjórinn Björg-
vin Lúthersson hafði gengið frá ráðningu
minni rétti hann mér lítið kver með öllum
símanúmerum í þorpinu og ráðlagði mér að
læra þau strax utan að. Mig minnir að þau
væru á þriðja hundrað. Á símstöðinni unnu þá
6 stúlkur á tveimur vöktum sem voru á virkum
dögum 8 tímar. Fyrsta daginn minn vann ég