Múlaþing: byggðasögurit Austurlands - 2020, Síða 129

128
Múlaþing
Kringlótta nælan
Kringlótta nælan sem fannst með „fjallkon-
unni“ (Þjms. nr. 2004-53-4) er steypt úr bronsi
og gyllt að framanverðu (myndir 19 og 20).
Hún er 2,5 cm að lengd og 8 g. Myndverk
hennar er skýrt og samanstendur af þremur
dýrahausum í Borróstíl sem snúa inn að
miðju. Karlotta S. Ásgeirsdóttir (2011, bls.
46) greindi næluna svo: „Skrautverkið er
týpískt fyrir þessa gerð (Smykker 128 ) og
fyllir það yfirborð nælunnar algjörlega. Ysti
kantur nælunnar er sléttur. Hnútamynstrið er
vel sýnilegt, sem og annað skreyti hennar.“ Á
bakhlið nælunnar er ásteypt festing fyrir nál
(þorn) og eru leifar af járnnála í festingunni.
Einnig er ásteypt festing fyrir hring á nælunni
og er látúnshringur í festingunni (sarpur.is,
Þjms.nr. 2004-53-4). Festingin fyrir hringinn
og krókar úr bronsþræði (Þjms.nr. 2004-53-8
- fannst í skútanum) og járnbrot (2004-53-7)
gætu gefið til kynna að á kringlóttu nælu
„fjallkonunnar“ hafi hangið tvöföld skraut-
keðja úr bronsi, sbr. við kringlóttu nælurnar
frá Vaði og Gautlöndum (Karlotta S. Ásgeirs-
dóttir, 2011, bls. 41-42; Kristján Eldjárn,
2016, bls. 232-234, 367-368).
Mynd 19. Kringlótta nælan Þjms.nr. 2004-53-4. Ljósm.: Ívar Brynjólfsson, Þjóðminjasafn Íslands.
Mynd 20. Bakhlið kringlóttu nælunnar Þjms.nr. 2004-53-
3. Ljósm.: Rannveig Þórhallsdóttir.