Eir - 01.07.1900, Síða 54

166
um í öðrum löndum, sem þau koma frá. — 3) En ef skip
kemur frá einhverjum þeim stað, þar sem farsótt gengur, sú
er hér er ekki innlend, þá er nauðsynlegt, að læknir skoði
skipsmenn, hvort sem nokkur er veikur eða ekki, áður en þeir
hafa ótept mök við iandsmenn. — 4) Sama er að segja, ef
sótt kemur upp i skipi á leið til landsins, hvaðan sem það
kemur, þá á það að vera skylda skipstjóra, að hafa engin
náin mök við landsmenn, fyr en læknir hefir séð, hvað um er
að vera og yfirvöld hafa gert þær ráðstafanir, sem full-
tryggar eru þvi til fyrirstöðu, að sóttin berist á landsmenn.
— 5) Ef skipsmenn hafa haft inök við sóttarstaði utanlands,
eða á leiðinni við sóttmenguð skíp, en eru ekki sjálfir veikir,
þá verður það samt að vera lögheimilt, að halda skipinu í sótt-
varnarhaidi, þar til ei útséð er um, að enginn veikist í því.
— 6) Nú kemur skip að landi, og eru á þvi sóttveikir menn,
þá verða landsmenn að vera við því búnir, að taka á móti
slíkum sjúklingum, hafa til þess sérstök sóttvarnarhús í heiztu
kauptúnum landsins, og visa þangað hinum sóttmenguðu skip-
um, ef þau taka annarsstaðar land; þá verður og að sótt-
hreinsa skipið. — 7) Þá er drepsóttir ganga í öðrum löndum,
þær er borist geta ianda á milli í fatnaði eða varningi, þá
verður að vera lögheimild til þess, að banna innflutning frá
sóttarstöðunum á þeim munum, er reynsia er fyrir, að sótt-
kveikjan getur flutst í þeim. — 8) Til þess að öll yfirvöld,
sem hlut eiga að máli, viti jafnan, livaðan helzt er háska von,
verður stjórn landsins að hafa vakandi auga á heilsufari í öðr-
um löndum og auglýsa tafarlaust, ef farsótt er á ferð erlendis,
á stöðvum, er standa í skipasambandi við landið. — 9) Þá er
það engu síður áríðandi, að banna iandsmönnum að hafa að
nauðsynjalausu mök við útlend skip, sem ekki hafa hér við
land gert grein fyrir heilsufari sínu. Ef landsmenn fara á
opnum skipuin eða þilskipum á sjó út og eiga nrök við útlend
3kip, sem ekki hafa hér við land gert grein fyrir góðri heil-
brigði og lagt út. síðast héðan frá landi, þá ber að fara með
þessi íslenzku skip, er þau koma aftur, sem kæmu þau frá út-
löndurn. — 10) Lög þarf að setja, er feli í sér ákvæði um