Morgunblaðið - 24.12.1996, Side 80

MORGUNBLAÐIÐ, KRINGLAN I, 103 REYKJAVÍK, SÍMI 569 1100, SÍMBRÉF 569 1181,
PÓSTHÓLF 3040, NETFANG MBL@CENTRUM.IS / AKUREYRI: KA UPVANGSSTRÆTI 1
ÞRIÐJUDAGUR 24. DESEMBER 1996
VERÐ í LAUSASÖLU 125 KR. MEÐ VSK
Búist við yfir 200
bömum í desember
ÞAÐ sem af er árinu eru fæðingar á fæðingardeild
Landspítalans 2.812 en í fyrra voru þær 2.648. Það
sem af er desember eru fæðingar 163 en börnin
um 170. Að sögn Kristínar Viktorsdóttur aðstoðar-
yfirljósmóður hafa fæðst mun fleiri börn en fæðing-
ar gefa til kynna, þar sem nokkuð er um tví- og
þríbura sem fæðst hafa á árinu. Sagðist hún búast
við um 40-50 fæðingum síðustu daga ársins.
„ Auðvitað veit maður það aldrei með neinni
vissu," sagði Kristín. „En það var líflegt um síðustu
helgi. Á föstudag og laugardag fæddust 22 börn
þannig að búast má við að yfir 200 börn fæðist í
desember."
Verðtryggðar skuldir heimilanna
9 milljarða aukn-
ing á 21 mánuði
VERÐTRYGGÐAR skuldir heimilanna
í landinu jukust á tímabilinu frá marz
1995 til desember 1996 um 9 millj-
arða króna. Þetta kemur fram í skrif-
legu svari forsætisráðherra við fyrir-
spum Jóhönnu Sigurðardóttur alþing-
ismanns um áhrif vísitöluhækkana á
skuldir heimilanna, sem lagt var fram
á Alþingi fyrir helgina.
í svarinu segir að samkvæmt upp-

Vaxandi
kirkjusókn
ájólum
KIRKJUSÓKN landsmanna yfir jóiin
hefur farið vaxandi á undanfömum
árum að því er kennur fram í jólasiða-
könnun Hagvangs-GfK Europe á ís-
landi, sem fram fór 2.-11. desember
sl. Samkvæmt henni fara 46,7%
landsmanna á aldrinum 18-67 ára í
kirkju einhvern tíma yfír jólin en
■40,3% svöruðu spumingunni játandi
í sambærilegri könnun á síðasta ári.
Kirkjusókn yfír jólahátíðina er
mest í aldurshópnum 60-67 ára en
minnst í þeim yngsta, 18-24, en þar
var hún 38,3%. í öllum landsfiórðung-
um eykst kirkjusóknin frá árinu á
undan nema á Norðurlandi eystra,
en þar dregst hún lítillega saman.
Mest er kirkjusóknin á aðfangadag,
en þá fara rúmlega 20% Islendinga
á aldrinum 18-67 ára í kirkju.
Sá siður virðist ríkjandi að kveikja
á kerti á leiði ástvinar eða ættingja
á aðfangadag og hafa um tveir þriðju
hlutar þjóðarinnar það fyrir sið að
því er kemur fram í könnun Hag-
vangs-GfK.

Jólasiðakönnun/56
lýsingum frá Seðlabanka íslands megi
ætla að verðtryggðar skuldir heimil-
anna í marz 1995, þegar vísitala
neyzluverðs tók við af lánskjaravísitöiu
sem vísitöiuviðmið skulda, hafí numið
267 milljörðum kr. Á tímabilinu marz
1995 til desember 1996 hækkaði vísi-
tala neyzluverðs um 3,4%. Því má
ætla að verðtryggðar skuldir heimil-
anna hafí hækkað um 9 milljarða á
þessu tímabili.
Sundurgreint eftir útgjaldaflokkum
vegur hækkun matvæla á tímabilinu
0,6%, sem svarar til 1,6 milljarða kr.,
rekstrarkostnaður bifreiða nam um
1,8 milljörðum kr. og 1,3 milljarða kr.
má rekja til hækkunar á útgjaldaliðn-
um „tómstundir, menntun".
Fyrirspurnin fjallaði einnig um
breytingar á skuldum hejmilanna
milli áranna 1993 og 1994. í svarinu
kemur fram að þessar skuldir hækk-
uðu frá ársbyijun 1993 til ársloka
1994 um 10 milljarða kr. vegna verð-
tryggingarinnar, sem þá var miðuð
við lánskjaravísitölu, samsetta að
jöfnu úr vísitölu neyzluverðs, vísitölu
byggingakostnaðar og launavísitölu.
KERTASNÍKIR
KETKRÓKUR kom ígær
Jólin koma
Morgunblaðið/Þorkell
JÓLAÖSIN náði hámarki í gær eins og við
er að búast á Þorláksmessu. Fjöldi fólks lagði
leið sína í verslanir til að ljúka innkaupum
en sumir létu sér nægja að hvíla lítil bein í
innkaupakörfu og horfa forvitnum augum á
örtröðina í Kringlunni.
GLEÐILEG JOL!
Formaður Félags vélstjóra segir útgerðarmenn hafna öllum kröfum vélstjóra
Stefnir í vinnustöðv-
un sjómanna í vetur
Jólafagnaður
Verndar og
Hjálpræðis-
hersins
JÓLAFAGNAÐUR Hjálp-
ræðishersins og Vemdar
verður haldinn í dag, að-
fangadag, í Herkastalanum,
Kirkjustræti 2, og hefst með
borðhaldi kl. 18. Allir þeir
sem ekki hafa tök á að dvelj-
ast hjá vinum og vanda-
mönnum á aðfangadags-
kvöld em hjartanlega vel-
komnir í jólafagnaðinn.
HELGI Laxdal, formaður Félags
vélstjóra, segir að ef viðbrögð út-
gerðarmanna við kjarakröfum sjó-
manna breytist ekki sé allt útlit
fyrir að fiskiskipaflotinn stöðvist í
vetur. Kristján Ragnarsson, fram-
kvæmdastjóri LÍÚ, segir að útgerð-
armenn muni aldrei fallast á kröfu
sjómanna um að allur afli verði
seldur um fiskmarkaði.
„Við höfum setið 2-3 fundi með
viðsemjendum okkar og það hefur
nákvæmlega ekkert þokast. Það
hefur verið sagt nei við öllum okkar
kröfum. Verði engar breytingar hjá
þeim sé ég ekki fram á neitt annað
en vinnustöðvun,“ sagði Helgi
Laxdal.
Sjómannasamband íslands hefur
vísað kjaradeilu sinni við útgerðar-
menn til ríkissáttasemjara. Megin-
krafa sjómanna er að allur afli verði
seldur um fiskmarkaði. Helgi sagði
að útgerðarmenn hefðu svarað kröf-
unni með þeim orðum að þeir hefðu
ekki umboð til að semja um þessa
kröfu. „Þetta er alrangt því að út-
gerðarmenn sömdu um það í síðustu
kjarasamningum að það yrði sett á
stofn sérstök úrskurðarnefnd, sem
verðleggur físk. Þeir hljóta að hafa
alveg sömu heimild til að semja um
þessa tegund verðlagningar, þ.e. að
fískurinn verði seldur á markaði."
Helgi sagðist ekki geta svarað því
hvenær sjómenn létu sverfa til stáls
í kjaradeilu sinni við útgerðarmenn.
„Ég held að það verði nú að fínnast
áralagið á almenna vinnumarkaðin-
um áður en við látum reyna á okkar
kröfur. Ég á ekki von á að við gerum
neitt í þessu fyrr en þetta er komið
á góðan rekspöl á almenna markaðin-
um.“
Munum aldrei fallast á kröfuna
um allan afla á markað
Kristján Ragnarsson sagði að
vélstjórar gerðu kröfu um að þeirra
hlutur í hlutaskiptum sjómanna yrði
hækkaður. „Þetta mun valda því
að aðrir yfirmenn geri sambærilega
kröfu um hækkun. Ef við yrðum
við kröfum vélstjóra værum við
gengnir inn í vítahring sem við
kæmumst aldrei út úr. Það er því
útilokað fyrir okkur að fallast á
þetta.“
Kristján sagði að laun sjómanna
undanfarin tvö ár hefðu hækkað
um 6% umfram launahækkanir
annarra launþega þrátt fyrir erfið-
leika sem útgerðin hefði gengið í
gegnum vegna niðurskurð afla-
heimilda. Nú væri útlit fyrir að afla-
heimildir yrðu auknar og sjómenn
myndu njóta þess. í tekjum sínum
á sama hátt og útgerðin. Hann
sagði að það væri ábyrgðarleysi af
sjómönnum að leika sér með verk-
fallsvopnið við þessar aðstæður.
Þeir væru að misbjóða öllu þjóðfé-
laginu með siíkri hótun.
„Við munum aldrei fallast á
kröfugerð sjómanna um allan afla
á markað þrátt fyrir verkfallshótan-
ir. Við teljum að markaðurinn hafi
tekið virkan þátt í verðmyndun á
sjávarafla á íslandi. Það er fráleitt
að svipta útgerðarmenn rétti til að
verka sinn eigin afla. Útgerðar-
menn hafa haft þennan rétt frá því
að útgerð hófst hér á íslandi. Sjó-
menn munu verða í verkfalli til ei-
lífðarnóns ef þeir ætla að standa
fast á kröfu um allan afla á mark-
að. Við munum aldrei fallast á
hana,“ sagði Kristján.