Morgunblaðið - 02.11.1999, Side 14

14 ÞRIÐJUDAGUR 2. NÓVEMBER 1999
MORGUNBLAÐIÐ
HÖFUÐBORGARSVÆÐIÐ
Dvalarsamningum barna á leikskólum sagt upp
Neyðarúrræði að
senda börnin heim
Reykjavík
DVALARSAMNINGUM
barna á sex leikskólum í
Reykjavík hefur verið sagt
upp og nýir samningar gerðir
og til athugunar er að gera
slíkt hið sama á fleh-i leik-
skólum. I nýju samningunum
hefur verið bætt við klausu
sem segir að heimilt sé að
senda börnin heim, fari fjöldi
starfsfólks niður fyrir leyfi-
leg mörk.
Dvalartími barnsins er
tekinn fram í dvalarsamn-
ingi og samkvæmt honum er
óleyfilegt að skerða þann
dvalartíma. En á síðustu vik-
um hafa nokkrir leikskólar
þurft að grípa til þess neyð-
arúræðis að senda börn fyrr
heim vegna manneklu. Það
hefur þá verið brot á dvalar-
samningi þeirra og segir
Ragnhildur Erla Bjarna-
dóttir hjá Leikskólum
Reykjavíkur í samtali við
Morgunblaðið að því hafi
ekki annað verið hægt í stöð-
unni en að gera nýjan samn-
ing.
„Lögfræðingur Reykjavík-
urborgar ráðlagði okkur að
gera þennan nýja samning
vegna þess að með því að
senda börnin fyrr heim var
verið að brjóta dvalarsamn-
ing þeirra. Dvalarsamning-
um var því sagt upp á þeim
leikskólum þar sem ástandið
var verst og nýir samningar
gerðir strax, þar sem fram
kemur að leyfilegt sé að
senda börn fyrr heim verði
skortur á starfsfólki.
Þetta er að sjálfsögðu al-
gjört neyðarúræði og gert
fyrst og fremst til að fylgja
reglugerð um leyfilegan
fjölda barna á hvern starfs-
mann og til að brjóta ekki
dvalarsamninga ef grípa þarf
til þess að senda böm heim
eins og stundum hefur þurft
að gera nú í haust,“ segir
Ragnhildur Erla.
Reglur um fjölda barna
á livern starfsmann
í reglugerð um leikskóla
eru ákveðnar reglur um hve
mörg börn megi vera í umsjá
hvers starfsmanns. Þar segir
að fyrir hvert stöðugildi leik-
skólakennara, sem sér um
umönnun, uppeldi og mennt-
un bama í leikskóla skuli
vera átta bamgildi og til við-
bótar komi leikskólastjóri,
þeir sem veiti sérstakan
stuðning, starfsfólk í ræst-
ingum og eldhúsi. Barngildi
leikskólabarna em reiknuð
þannig að eins árs barn
reiknast sem tvö barngOdi,
tveggja ára barn sem 1,6,
þriggja ára barn sem 1,3 og
fjögurra og fimm ára börn
sem eitt bamgildi.
I nýja samningnum segir
að verði fjöldi leikskólabarna,
vegna skorts á starfsfólki,
meiri en átta bamgildi á
hvern starfsmann, sé heimilt
að segja samningnum upp án
fyrirvara og/eða skerða dval-
artíma bams.
Ragnhildur tekur fram að
það sé tíminn á milli kl. 16 og
18 sem sé erfiðast að manna
og að það sé aðallega þá sem
senda þurfi börnin heim.
Hvorki sé ástæða til að ætla
að senda þurfi börnin ennþá
fym heim, né fyrir fullt og
allt.
Ragnhildur segir að langt
sé síðan að staðan á leikskól-
unum hafi verið í líkingu við
þetta. „Það hefur gerst áður
að við höfum þurft að senda
böm heim vegna starfs-
mannaskorts, við fundum að-
eins fyrir þessu síðastliðið
haust, en þó er langt síðan
ástandið hefur verið í líkingu
við þetta, líklega um tíu ár,
og tengist þetta líklega
svokölluðu góðæri. En verið
er að leita leiða til úrbóta og
er allt gert til að reyna að fá
gott fólk til starfa í leikskól-
unum.“
Laulau og Ragnar Sveinn sem er fjögurra ára.
Bitnar á þeim
sem síst skyldi
Reykjavík
„ÞAÐ er auðvitað betra að
hafa dvalarsamningana
svona til að allt fari sam-
kvæmt reglum, því stað-
reyndin er að við höfum
neyðst til að senda börn
heim vegna skorts á starfs-
fólki en samkvæmt gömlu
samningunum var það ekki
leyfilegt,“ segir Sigrún
Kristín Guðmundsdóttir,
leikskólastjóri á Ægisborg,
í samtali við Morgunblaðið.
Þar er staðan sú að undan-
farnar vikur hefur þurft að
loka einni deild af fjómm,
eftir hádegi, vegna mann-
eklu.
Sigrún segir stöðu mála
í starfsmannahaldi vera
mjög ótrygga. „í byrjun
hausts leit þetta allt frek-
ar vel út hjá okkur en svo
hefur starfsfólk hætt og
þá hefur verið botnlaust
álag á þeim sem eftir eru.
Því hefur þurft að grípa
til þess ráðs að senda
börnin fyrr heim og hafa
flestir foreldrar sýnt því
skilning. En sumir eru
reiðir og finnst að við
hljótum að geta fengið
fólk til starfa."
Niðurlægjandi umræða
fyrir leikskólana
Sigrún segir að gera
þurfi kröfur til þess fólks
sem komi til starfa á leik-
skólunum, þetta sé mjög
mikilvægt starf og finnst
henni niðurlægjandi um-
ræða fyrir leikskólana þeg-
ar talað sé um að hver sem
er geti gengið inn í starf
leikskólakennara. Þeir hafi
þriggja ára fagmenntun að
baki og hugmyndir um að
fá fólk af atvinnuleysisskrá
til að ganga beint inn í
þeirra störf finnst henni
afleitar. „Þetta er ekki
auðvelt starf sem allir geta
unnið og auk þess setur
það mikið rót á börnin að
vera alltaf að skipta um
starfsfólk. Það er nógu
slæmt þegar verið er að
flytja starfsfólk milli
deilda, hvað þá þegar sí-
fellt er verið að fá inn nýtt
starfsfólk."
Hún segir að núverandi
borgaryfírvöld hafi gefið
loforð um að leikskóla-
plássum yrði íjölgað og að
við það hafi verið staðið
með því að stækka leik-
skóla og byggja nýja, en
það virðist sem ekki hafi
verið hugsað út í að það
þyrfti að manna þessa leik-
skóla og borga starfsfólki
mannsæmandi laun. „Það
þarf líka að eyða pening-
um í að heQa þetta starf til
vegs og virðingar og gera
það eftirsóknarvert að
verða leikskólakennari,“
segir Sigrún.
Gat vel hugsað mér að
vinna á leikskóla
Helga Ösp Jóhannsdóttir
er móðir Jóhönnu Aspar
sem er þriggja ára og búin
að vera á Ægisborg um
nokkurt skeið. Helga Ösp
segir að sér fínnist ástand-
ið á leikskólunum ömur-
legt og ekki mega gleyma
því að þetta sé verst fyrir
þau sem síst skyldi, sjálf
börnin. Börnin eru suma
daga í leikskólanum eftir
hádegi en aðra daga
heima, eða með foreldrum
í vinnunni sem er auðvitað
mikið rót fyrir þau.
Kristján Gíslason heldur á Karli Héðni sem er fjögurra ára og bróðir hans, Sveinbjörn
Steinar, þriggja ára stendur hjá.
Morgunblaðið/Ásdís
Helga Ösp Jóhannsdóttir og Jóhanna Ösp sem er þriggja ára.
„Að sjálfsögðu þarf að
hækka laun leiksskóla-
kennara, ég byijaði að
vinna úti fyrir stuttu og gat
vel hugsað mér að vinna á
leikskóla, þangað til ég
komst að því hver launin
eru,“ segir Helga Ösp.
Mikið rót fyrirbörnin
Kristján Gíslason segir
að þar sem börn á hverri
deild séu send heim
nokkra eftirmiðdaga í
mánuði þurfi bræðurnir
Karl Héðinn, 4 ára, og
Sveinbjörn Steinar, 3 ára,
að vera saman á deild svo
þeir séu sendir heim sömu
dagana. Þetta sé ekki gott
því sautján mánuðir séu á
milli þeirra og Sveinbjörn
Steinar sé því nokkru
yngri en hin börnin á
deildinni. Starfsfólkið hafi
þó komið til móts við þau
með því að færa hann
stundum á milli deilda en
auðvitað sé þetta mikið rót
fyrir hann og önnur börn í
svipaðri stöðu.
Með ólíkindum að laun séu
ekki mannsæmandi
Laulau er móðir Ragnars
Sveins sem er fjögurra ára
og finnst henni ástandið
mjög slæmt. „Eg er heppin
því ég vinn bara hálfan
daginn og hef aðstæður til
að hafa hann heima en
vissulega eru margir í
mestu vandræðum.
En ég vil taka það fram
að mér finnst starfsfólkið
standa sig ágætlega og
fínnst með ólíkindum að
allir ætlist til þess að börn-
in komi út úr leikskólanum
strokin og öguð en samt sé
ekki hægt að borga því
fólki sem á að sinna og
kenna þeim, mannsæmandi
laun.“