Morgunblaðið - 08.12.1999, Qupperneq 2

2 MIÐVIKUDAGUR 8. DESEMBER 1999
MORGUNBLAÐIÐ
FRÉTTIR
Fiskvinnslufyrirtækið Sæunn Axels ehf. í Ólafsfírði gijaldþrota
Skuldir fyrirtækisins rúm-
ar 830 milliónir króna
FISKVINNSLUFYRIRTÆKIÐ
Sæunn Axels ehf. í Ólafsfirði var úr-
skurðað gjaldþrota í Héraðsdómi
Norðurlands eystra í gær og var
Ólafur Birgir Arnason hrl. skipaður
skiptastjóri búsins. Beiðni um gjald-
þrotaskipti fyrirtækisins var sam-
þykkt á hluthafafundi sl. laugardag.
Skuldir fyrirtækisins eru taldar
rúmlega 830 milljónir króna.
I úrskurði Héraðsdóms kemur
fram að ástæða fyrir gjaldþrota-
beiðninni sé stórfelldur taprekstur
síðastliðinna ára. Tap á árinu 1998
var 146,5 milljónir króna og var nei-
kvætt eigið fé félagsins tæpar 30
milljónir króna. Samkvæmt óendur-
skoðuðu níu mánaða uppgjöri er tap
félagsins í ár 133,5 milljónir króna og
eigið fé neikvætt um rúmær 172
milljónir króna. Félagið á því ekki
fyrir skuldum og því hvílir sú skylda
á stjórn að gefa það upp til gjald-
þrotaskipta.
„Þetta er svartur dagur og alveg
hrikalegt ástand sem skapast í Ólafs-
fírði,“ sagði Björn Snæbjörnsson,
formaður Verkalýðsfélagsins Ein-
ingar-Iðju. A bilinu 30-40 manns
unnu hjá fyrirtækinu, en starfsfólki
hafði fækkað á síðustu vikum og
mánuðum í kjölfar óvissu um framtíð
fyrirtækisins. Flestir starfsmennirn-
ir eru í Einingu-Iðju.
Áfall fyrir byggðarlagið
Björn sagðist hafa fylgst grannt
með framvindu mála og hann hefði
vonast til að félagið myndi rífa sig
upp, en því miður hefði það ekki tek-
ist. „Fjölskyldan hefur öll lagt sig
fram um að bjarga fyrirtækinu og
þetta er afskaplega erfitt mál. Þetta
er áfall fyrir allt bæjarfélagið því
starfsfólkið hefur áður staðið í sömu
sporum, þegar frystihúsið fór á
hausinn. Þá tók þessi fjölskylda við
og reif fyrirtækið upp,“ sagði Björn.
Björn sagði þetta fyrirtæki vera
þungamiðju atvinnulífs í Ólafsfirði.
Hann benti á að í nýrri skýrslu
Byggðastofnunar væri Ólafsfjörður
ekki nefndur sem staður sem ætti
undir högg að sækja, „en ég get ekki
séð að mörg byggðarlög í landinu
séu verr sett um þessar mundir en
Ólafsfjörður," sagði Björn og taldi
það skyldu Byggðastofnunar að
koma að málinu til að létta það
þunga högg sem yfir byggðarlagið
hefði dunið.
Frarahaldið ræðst
á næstu dögum
Helstu ejgnir félagsins eru fast-
eignir í Ólafsfirði og fiskiskipið
Kristján ÓF sem er kvótalaust en
veðsett. Helstu lánardrottnar fyrir-
tækisins eru Byggðastofnun og
Sparisjóðsbanki íslands hf. Afurðir
félagsins munu að mestu vera veð-
settar lánardrottnum og lausafé til
fiskverkunar er ýmist á leigusamn-
ingum eða veðbundið. Félagið á enga
fjármuni á bankareikningum enda
munu þeir flestir vera yfirdregnir.
Ólafur Birgir Arnason skiptastjóri
sagði að hann myndi fara til Ólafs-
fjarðar í dag, miðvikudag, og fara
þar yfir stöðu mála og sækja sér
frekari gögn. Hann sagði síðdegis í
gær allt óljóst um hvert framhaldið
yrði en það myndi væntanlega ráðast
á næstu dögum.
Starfsfólki Sæunnar Axels, um 70
manns, var sagt upp störfum 30. júlí í
sumar og tóku uppsagnirnar gildi
tveimur mánuðum síðar, eða í lok
september. Starfsfólki fækkaði í
kjölfarið en þeir sem eftir voru, um
50 manns, voru lausráðnir til hálfs
mánaðar í einu. Starfsfólkinu var
sagt upp þegar ljóst var að enginn
byggðakvóti frá Byggðastofnun færi
til Ólafsfjarðar og voru uppsagnirn-
ar mótmæli við úthlutunina.
Akærðir
fyrir
mann-
dráp af
gáleysi
ísafirði. Morgunblaðið
LÖGREGLUSTJÓRINN á
ísafirði hefur höfðað opinbert
mál á hendur tveimur Þingeyr-
ingum fyrir umferðarlagabrot
og manndráp af gáleysi.
Ákæran var þingfest fyrir
Héraðsdómi Vestfjarða á
mánudag.
Akærðu er gefið að sök að
hafa hinn 5. febrúar sl., um kl.
16:30, ekið bifreiðum sínum inn
á einbreiða brú á þjóðvegi nr.
60 yfir Vaðal í Önundarfirði, of
hratt og án nægjanlegrar að-
gæslu, á hálum vegi, með þeim
afleiðingum, að bifreiðar þeirra
skullu saman og farþegi í ann-
arri bifreiðinni, kona fædd árið
1966, lést samstundis af mikl-
um innvortis áverkum sem og
ófætt barn sem hún bar undir
belti
50 kilóum af sprengiefni stolið úr sprengiefnageymslu
Frágangur á læsingu
geymslunnar ófullnægjandi
Morgunblaðið/Júlíus Sigurjónsson
Samkvæmt upplýsingum fulltrúa Eldvamaeftirlitsins stóðst sprengiefnagámurinn kröfur um íjarlægð frá
byggð. Olíutunnurnar voru tómar utan ein sem geymdi smurolíu.
Samgönguráðherra
um úrskurð Sam-
keppnisráðs
Ohjákvæmi-
legt að
gerð verði
breyting
STURLA Böðvarsson samgöngu-
ráðherra telur óhjákvæmilegt að
gerð verði breyting á hlutverki ráð-
herra í takt við úrskurð Samkeppn-
isráðs. Ráðið hefur sent frá sér til-
mæli til ríkisstjórnarinnar um að
taka fyrh’komulag á eignarhaldi rík-
isins á fyrirtækjum í samkeppnis-
rekstri til endurskoðunar þar sem
það geti torveldað samkeppni að
ráðherra fari bæði með eignarráð í
samkeppnisfyrirtækjum og setji
stjórnvaldsreglur á viðkomandi
sviði.
„Út af fyrir sig kemur þessi niður-
staða mér ekki á óvart. Lögin, sem
kveða á um þá skyldu samgöngu-
ráðherra annars vegar að fara með
hlutabréf í Islandspósti og Lands-
símanum, og á hinn bóginn það hlut-
verk sem fjarskiptalöggjöfin og lög-
in um póst- og fjarskiptastofnun fela
samgönguráðherra, geta valdið tor-
tryggni. Það er skylda mín að sigla
milli skers og báru og ég hef lagt
mig mjög fram um að sinna því.“
„Fyrir það fyrsta leysist málið
gagnvart Landssímanum á þann
hátt að hann verður seldur. En það
þarf að huga að því hvort ekki sé
eðlilegt að eignarhald, sé sett í far-
veg sem ekki skapar árekstra," seg-
ir Sturla.
SAMKVÆMT niðurstöðu vett-
vangsathugunai’ Vinnueftirlits ríkis-
ins, var frágangur á læsingarbúnaði
ófullnægjandi á sprengiefnageymslu
í eigu verktaka við Hagasmára 1 í
Kópavogi. Þaðan var stolið 24 túpum
af dínamíti og svipuðum fjölda af
hvellhettum um síðastliðna helgi.
Um er að ræða 50 kg af öflugu
sprengiefni sem er stórhættulegt í
meðförum þeirra sem ekki kunna
með það að fara.
Innbrotið í sprengiefnageymsluna
uppgötvaðist á mánudag og er málið
rannsakað af lögreglunni í Kópavogi.
Vinnueftirlitið fór á vettvang
ásamt rannsóknardeild lögreglunn-
ar og Eldvarnaeftirlitinu og skoðaði
aðstæður.
Við innbrotið hafði verið klipptur í
sundur lás á gámnum, sem er svo-
kölluð færanleg sprengiefnageymsla
en samkvæmt upplýsingum Vinnu-
eftirlitsins höfðu verið gerðar ráð-
stafanir af hálfu verktakans til að
torvelda að ekki væri unnt að kom-
ast inn í gáminn.
Við frágang á læsingu sprengi-
efnageymslu á hins vegar að búa svo
um hnútana að ekki sé unnt að brjót-
ast inn en þar sem það hafi tekist um
helgina hljóti frágangurinn að teljast
ófullnægjandi.
„Til þess að læsing eigi að teljast
fullnægjandi á ekki að vera hægt að
klippa hana í sundur. Læsingin hef-
ur því ekki staðið undir þeim lág-
markskröfum sem gerðar eru,“
sagði Gylfi Már Guðjónsson tæknif-
ulltrúi hjá Vinnueftirliti ríkisins í
samtali við Morgunblaðið í gær.
Verktakinn hefur nú þegar gert
betrumbætur á læsingunni.
Ekki hætta af olíutunnum
Augu manna beindust ennfremur
að olíutunnum sem stillt hafði verið
upp við hlið gámsins, en við nánari
athugun kom í ljós að þær voru allar
tómar nema ein sem innihélt smurol-
íu og var ekki gerð athugasemd við
þær.
Samkvæmt upplýsingum fulltrúa
Eldvarnaeftirlitsins stóðst gámurinn
kröfur um fjarlægð frá byggð og
staðfest var að ekki væru óeðlileg
efni geymd í nágrenni við hann.
Lögreglan í Kópavogi hafði ekki
haft uppi á þeim sem stal sprengi-
efninu í gær. Hafi fólk einhverjar
upplýsingar um innbrotið eða hafi
það orðið vart mannaferða í kringum
gáminn frá 4. til 6. desember biður
lögreglan fólk um að hafa samband
við sig.
Sérblöð í dag
www.mbi.is
Verðlaunakrossgáta
► Þættir - íþróttir
► Kvikmyndir - Fólk
Hálfur mánuður
af dagskrá
frá miðvikudegi
til þriðjudags
ALLTAF Á MIÐVIKUDÖGUM
Morten Olsen segir að ísland
geti komið á óvart i HM / C1
Stjarnan sendi bikarmeistara
Aftureldingar úr leik / C2
4SH8
KATA
MANNABARN
ag stei.pa setn ekki sést