Morgunblaðið - 09.06.2000, Page 10

10 FÖSTUDAGUR 9. JÚNÍ 2000
FRETTIR
MORGUNBLAÐIÐ
Umferðaröryggisfulltrúar taka til starfa um allt land
Ver ða mun sýnilegri í sumar
SEX umferðaröryggisfulltrúar
starfa í sumar á vegum Umferðar-
ráðs og Slysavarnafélagsins Lands-
bjargar. Ingvar Helgason hf. sér
þeim fyrir bifreiðum en Olís leggur
til bensín á bílana. Bifreiðarnar
munu gera þá sýnilegri og vekja
meiri athygli á starfi þeirra.
„Umferðaröryggisfulltrúarnir
verða með þessu akandi fyrirmynd-
ir í umferðinni og hvar sem þeir
koma munu þeir ná niður hraða og
stuðla að bættri umferðarmenn-
ingu,“ segir Óli Þ. Þórðarson fram-
kvæmdastjóri Umferðarráðs. „Þeir
munu fara vitt um og vinna að
auknu umferðaröryggi með öllum
tiltækum ráðum og við treystum á
að þjóðin standi með okkur í því
starfi sem er framundan," sagði
Óli.
Samstarfsverkefni
Sigurður Helgason, upplýsinga-
fulltrúi Umferðarráðs, segir að um-
ferðaröryggisfulltrúar hafi starfað
um allt land í sex ár. „Þeirra hlut-
verk er að fylgjast með umferðinni
og benda á það sem betur má fara.
Þeir verða í samstarfi við þá aðila
sem koma að umferðaröryggismál-
um í hverjum landshluta, s.s.
sveitastjórnir, lögreglu, Vegagerð-
ina og slysavarnafélög. Eins verða
Morgunblaðið/Halldór Kolbeins
Á blaðamannafundi í gær var tilkynnt um samstarf Umferðarráðs og Slysavarnarfélagsins Landsbjargar við
Ingvar Helgason hf. og Olís. F.v.: Helgi Ingvarsson, forsljóri Ingvars Helgasonar hf., Oli Þ. Þórðarson, fram-
kvæmdastjóri Umferðarráðs, Kristbjörn OIi Guðmundsson, framkvæmdastjóri Slysavarnarfélagsins Lands-
bjargar og Thomas Möller, framkvæmdastjóri markaðssviðs þjónustustöðva Olís hf.
þeir í miklu sambandi við fjölmiðla Umferðaröryggisfulltrúarnir öllum landsfjórðungum auk fulltrúa
á hverjum stað.“ munu starfa fram í miðjan ágúst í á Vestfjörðum og Suðurnesjum.
Fyrstu lax-
arnir úr
Kjarrá og
Laxá á Asum
VEIÐI hófst í Kjarrá, efri hluta
Þverár, Laxá á Asum og í Brennu,
ármótum Þverár og Hvítár, á mið-
vikudaginn. Enginn fiskur veiddist
fyrsta daginn, en í gærmorgun
komu þeir fyrstu á land. Óhætt er
þó að segja að rólegheitin svífi yfir
vötnunum, því það kom einn á land
úr Laxá og einn úr Kjarrá. Fyrsta
hollið í Þverá, sem lauk veiðum á
hádegi þriðjudags, veiddi 5 laxa og
holl sem lauk veiðum á sama tíma í
Norðurá veiddi 18 laxa.
Fyrsti Kjarrárlaxinn var 12
punda hrygna sem Sigurður
Helgason veiddi á flugu í Rönnu-
streng. Að sögn Þorgeirs Jónsson-
ar flugmanns, sem var að veiðum í
Kjarrá, hafa skilyrði verið afar góð
síðustu daga, það vantaði bara lax-
inn.
Gunnar Sveinbjörnsson var að
veiðum í Brennunni og hann sagði
í gær að ekkert líf hefði verið á
svæðinu utan að hann veiddi
nokkra 2-3 punda sjóbirtinga sem
væri mjög óvenjulegt á þessum
tíma sumars. Það hefði hann ekki
séð þau 30 ár sem hann hefði
stundað Þverá og Brennuna.
„Steindauð á“
Lúther Einarsson er að veiðum í
Laxá á Asum og sagði hann í sam-
tali í gærdag að áin væri „stein-
dauð“. „Það er kominn einn á land
og ég held að það séu ekki nema
tveir aðrir í ánni,“ sagði Lúther.
Laxinn veiddi Hilmar Ragnarsson
í Dulsunum á maðk. Var það 12
punda hrygna. Lúther sagði hina
tvo laxana báða liggja í veiðistað
sem heitir Runki, sem er mun ofar
í ánni. Illa hefur gefist að opna
Laxá l.júní síðustu árin og því var
horfið til þess að fresta opnun um
viku.
Skólaliðar og stuðnings-
fulltrúar útskrifaðir
Morgunblaðið/Jim Smart
Hópur skólaliða við útskriftina.
BORGARHOLTSSKÓLI útskrifaði
á miðvikudag stóran hóp skólaliða og
stuðningsfulltrúa til starfa í grunn-
skólum Reykjavíkur.
Námskeið skólaliðanna og stuðn-
ingsfulltrúanna hófust í Borgarholts-
skóla við Mosaveg í ágúst 1999. Um
var að ræða heilsársnámskeið sem
starfsmenn grunnskólanna sóttu
samhliða vinnu. Alls voru nemendur
um 50, helmingurinn skólaliðar og
helmingurinn stuðningsfulltrúar.
Um er að ræða samstarfsverkefni
milli Borgarholtsskóla, Fræðslumið-
stöðvarinnar í Reykjavík og Starfs-
mannafélags Reykjavíkur. Verkefn-
ið var styrkt af Starfsmenntasjóði
félagsmálaráðuneytisins.
Nýjar leiðir til menntunar
í ávarpsorðum sem Björn Bjarna-
son menntamálaráðherra sendi frá
sér sagði meðal annars: „Ljóst er að
þeir sem fara á þessi nýju námskeið
eru tilbúnir til að leggja á sig nám
með vinnu. Sá dugnaður mun skila
sér fyrir hvern og einn og einnig
stuðla að því að bæta grunnskólana.
Ríkisstjóm hefur ákveðið að sí-
menntun falli undir verksvið
menntamálaráðuneytisins. í þeirri
ákvörðun felst meðal annars að við
inntak og skipulag endurmenntunar
og símenntunar sé tekið mið af þeim
kröfum sem eðlilegt er að gera til
skólanáms. Menntunin á þessum
námskeiðum skapar til dæmis ein-
ingar á framhaldsskólastigi. Hún
kann því ekki einungis að nýtast vel í
mikilvægum störfum heldur einnig
opna nýjar leiðir til enn frekari
menntunar."
Tildrög samstarfsins voru þau að
við Borgarholtsskóla er starfrækt
tveggja ára starfsnámsbraut, félags-
þjónustubraut, sem býr nemendur
undir uppeldisstörf, félagslega að-
hlynningu og umönnun. Vegna þess-
arar sérstöðu brautarinnar í fram-
haldsskólakerfinu óskaði Fræðslu-
miðstöðin eftir því að Borgarholts-
skóli annaðist námskeiðin.
Til þessa hafa kjarabundin nám-
skeið á vegum stéttarfélaga einungis
veitt nemendum rétt til launahækk-
ana og hafa nemendur því ekki getað
flutt ávinninginn með sér milli stétt:
arfélaga né inn í framhaldsskólana. í
þessu samstarfsverkefni er stefnt að
því að námskeiðin séu fagleg, ein-
ingabær og leiði að auki til kjarabóta.
Áhugi annarra sveitarfélaga
Af hálfu fjölmargra annarra sveit-
arfélaga hefur verið áhugi á að senda
nemendur á þessi námskeið og eru
nú þegar farin af stað fleiri námskeið
með þátttöku fjölmargra sveitarfé-
laga á suðvesturhomi landsins. Þá er
að því stefnt að styrkja félagsþjón-
ustubrautina með tilliti til þessa
þannig að hægt verði að nálgast
þessa menntun í dagskóla Brautar-
holtsskóla.
Ekki þarf að fjölyrða um að það er
brýn þörf á að mennta starfsfólk
grunnskólanna. Grunnskólum lands-
ins hafa verið fengin ný og viðamikil
verkefni skv. lögum, sbr. t.d. heils-
dagsskólann, segir í fréttatilkynn-
ingu. I flestum nágrannaríkjunum
hefur menntun skólaliða og stuðn-
ingsfulltrúa fest sig í sessi og mikil
fjölgun orðið á þessum starfsmönn-
um skólanna.
Tveir karl-
ar með
bílastyrk
en engin
kona
TILRAUNASTÖÐ Háskóla ís-
lands í meinafræði að Keldum
hefur brotið gegn ákvæðum
jafnréttislaga með úthlutun
akstursgreiðslna til starfs-
manna sinna. Þetta er álit
kærunefndar jafnréttismála,
en konur sem starfa í Tilrauna-
stöðinni kærðu úthlutun þess-
ara greiðslna til nefndarinnar.
Telur kærunefndin að Til-
raunastöðin veiti, með þessum
greiðslum, karli sem þar starf-
ar betri kjör en konum sem
starfa á sama vinnustað og eru í
sama stéttarfélagi.
Tveir af þremur körlum
með styrk
Tildrög málsins má rekja til
þess að konum í Starfsmanna-
félagi ríkisstofnana (SFR) sem
vinna hjá Tilraunastöðinni
fannst á sér brotið þar sem
tveir af þremur karlmönnum,
félagsmenn í SFR, fengu
greiddan bílastyrk en engin
átta kvenna sem þar starfa og
eru í sama stéttarfélagi.
Reyndar höfðu félagsmenn í
SFR um langa hríð átt í viðræð-
um við yfirmenn Tilraunastöðv-
arinnar vegna ferða í og úr
vinnu. Töldu starfsmennimir
að vegna óhagstæðrar stað-
setningar vinnustaðarins ættu
allir starfsmenn rétt á aksturs-
greiðslum eða öðrum úrræðum
af hendi Tilraunastöðvarinnar.
Yfirmenn stöðvarinnar töldu að
slíkar greiðslur fengjust ekki
samþykktar hjá Bílanefnd rík-
isins, en buðu starfsmönnum
upp á reglulegar ferðir með
leigubíl á kostnað stofnunar-
innar.
Félagar í SFR voru ekki alls
kostar ánægðir með þau mála-
lok og að endingu kærðu konur
í SFR Tilraunastöðina til kæru-
nefndar jafnréttisráðs. Rök-
studdu þær kæruna með því, að
engin hinna átta SFR-kvenna
sem hjá stofnuninni starfa
fengju greiddar akstursgreiðsl-
ur en hins vegar fengju tveir af
þremur SFR-körlum slíkar
greiðslur, án þess að þurfa að
sýna fram á notkun einkabíla í
þágu stofnunarinnar.
Greiðslur ekki til komnar
vegna mismununar
Karlarnir tveir sem hafa not-
ið akstursstyrkja eru bústjóri
og skrifstofustjóri Tilrauna-
stöðvarinnar og þykir sannað,
samkvæmt áliti kærunefndar,
að þeir hafi upphaflega fengið
styrkina vegna notkunar á
einkabílum í þágu stofnunar-
innar. Greiðslumar hafi því
ekki verið hugsaðar sem launa-
bætur og þeim ekki ætlað að
mismuna neinum.
Hins vegar hefur skrifstofu-
stjórinn ekki notað eigin bifreið
í þágu Tilraunastofunnar og
túlkar kæranefnd því aksturs-
greiðslur til hans sem hlunnindi
sem jafna megi við launaupp-
bót. Kæranefnd jafnréttismála
telur því sannað að umræddur
karlmaður njóti að þessu leyti
betri kjara en konur á sama
vinnustað og í sama stéttarfé-
lagi og að sá munur á kjöram
hafi ekki verið rökstuddur.
Tilraunastöðin að Keldum
hefúr því, að mati kæranefnd-
ar, brotið gegn 1. tl. 1. mgr. 6.
gr. jafnréttislaga nr. 28/1991
þar sem segir að atvinnurek-
endum sé óheimilt að mismuna
starfsfólki eftir kynferði með
launum eða launatengdum fríð-
indum.