Morgunblaðið - 09.06.2000, Side 78

* 78 FÖSTUDAGUR 9. JÚNÍ 2000
MORGUNBLAÐIÐ
Dýraglens
Grettir
Ljóska
Hvar er matardiskurinn þinn? Ég sé Mig hefur alltaf langað til að gera þetta!
hann ekki..
$
BRÉF
TIL BLAÐSINS
Kringlunni I 103 Reykjavik • Sími 569 1100 • Símbréf 569 1329
Enn er höggvið
í sama knérunn
Frá Karli Gústaf Ásgrímssyni:
MIÐVIKUDAGINN 24. maí sl. var
fjármálaráðherra að svara hlustend-
um sem hringdu inn í þættinum „I
bítið“ á Stöð tvö.
Þar var hann
meðal annars
spurður um elli-
lífeyri og aðrar
bætur almanna-
trygginga og
svaraði hann því
til að stefnt væri
að því að þær
Kari Gústaf fylgdu launaþró-
Ásgrímsson uninni.
Vonandi stend-
ur ráðherrann við þetta.
10. mars sl. gaf ríkisstjómin út yf-
irlýsingu í tengslum við kjarasamn-
inga á árinu 2000. Orðrétt segir þar í
þriðju grein: Ríkisstjórnin mun
tryggja að greiðslur almannatrygg-
inga hækki í takt við umsamdar al-
mennar launahækkanir á samnings-
tlmabilinu. Hækkunin á árinu 2000
verður þó nokkru meiri. Samningar
voru gerðir á almenna vinnumarkað-
inum í mars og apríl á þessu ári og
hófst þá nýtt samningstímabil og var
samið til rúmlega þriggja ára. Samið
var um mismunandi prósentuhækk-
anir á samningstímabilinu, eða frá
um það bil 12% hjá hæstu launa-
flokkum en allt að 30% hjá lægstu
launaflokkunum. Hvemig var fram-
kvæmdin á bótum almannatrygg-
inga 1. apríl sl.? Þegar almennir
launþegar fengu 3,9% til 8,9% hækk-
un fengum við 0,9% því ráðherrar
segja að hækkun sem við vorum búin
að fá 1. jan. sl. skuli teljast hækkun á
samningstímbilinu þó svo að samn-
ingstímabilið hefjist ekki fyrr en í
mars.
Samkv. samningi Flóabandalags
fá þeir hæst launuðu um 12,15%
hækkun en meðaltals hækkun verð-
ur um 16,4% á samningstímabilinu
eða á næstu þrem árum en bætur al-
mannatrygginga eiga að hækka um
9,15% á sama tíma en um 12,65% ef
hækkunin 1. jan. er talin með. Á
þessu sést að við eigum ekki að fá
hækkanir í takt við launaþróun því
við eigum að fá 3,75% minna en með-
altalshækkun verður hjá Flóabanda-
laginu ef við teljum hækkun 1. jan.
með, en 7,25% minna ef miðað er við
tímabilið frá því að samningar eru
gerðir.
Eins og ég sagði í grein í Morgun-
blaðinu 16. maí var grunnlífeyrir og
tekjutrygging sem hlutfall af dag-
vinnulaunum verkamanna á höfuð-
borgarsvæðinu árið 1991 51,7% en
árið 1999 var þetta hlutfall 43,9%.
Samkv. yfirlýsingu ríkistjórnarinnar
frá 10. mars verður þetta hlutfall í
lok samningstímabils 2003 aðeins
42,4% og er því enn höggvið í sama
knérunn. Enn þurfum við taka á
okkur álögur frá samdráttarárunum
kringum 1990. Hvenær kemur góð-
ærið til okkar, góðærið sem forsætis-
ráðherra og ríksstjórnin hafa verið
að segja okkur frá?
Síðar kom fjármálaráðherra fram
í fréttatíma hjá Stöð tvö og talaði um
miklar og auknar tekjur ríkissjóðs á
árinu og virtist í vandræðum með
hvað ætti að gera við þær og nefndi
þó nokkur dæmi um hvað gera
mætti. Ekki heyrðist orð um að það
mætti nota þessa peninga til að létta
álögum af eldri borgurum eða
hækka ellilífeyri þeirra. Enn skulum
við bíða.
Enn var höggvið. Nýr skattur var
lagður á eldri borgara á síðasta ári
þegar ákveðið var að ellilífeyrisþeg-
ar, sem verða að endurnýja ökuskír-
teini sín á eins til þriggja ára fresti,
verða að greiða fullt verð, eða tvö
þúsund krónur fyrir hverja endur-
nýjun, auk kostnaðar við læknisvott-
orð. Þarna var um nýja skattlagn-
ingu að ræða því áður þurfti
eftirlaunaþegi ekki greiða fyrir end-
unýjun, aðeins fyrir læknisvottorðið,
því er það sanngirnismál að fram-
lenging ökuréttinda sé án annars
kostnaðar en læknisvottorðs. Venju-
legur borgari fær ökuréttindi um
tvítugt, hefur þau réttindi þar til er
hann verður sjötugur eða í fímmtíu
ár án þess að kosta nokkru til en um
leið og hann verður eftirlaunaþegi
verður að borga þó nokkra upphæð
til að halda þessum réttindum þó svo
hann sé búinn að sanna með læknis-
vottorði að hann sé fær um að halda
þeim.
KARL GÚSTAF ÁSGRÍMSSON,
formaður Félags eldri borgara
í Kópavogi.
Siðlaust
Hildur Sveinsdóttir skrifar:
ÉG fór ásamt þúsundum íslendinga
á Elton John-tónleikana 1. júní síð-
astliðinn og borgaði 5.600 krónur
fyrir miðann. Mér fannst það mikill
peningur og var lengi að hugsa mig
um hvort ég hefði efni á þessu og
velti hverri krónu í lófa mér áður en
ákvörðun var tekin.
Tónleikarnir stóðu undir vænt-
ingum og ég skemmti mér mjög vel.
En er ég frétti daginn eftir að marg-
ir hefðu farið inn á tónleikasvæðið
og borguðu ekki krónu fyrir var mér
allri lokið. Nú er ég svekkt og reið
yfir að hafa verið plötuð uppúr
skónum. Ég mun ekki hafa eins góð-
ar minningar frá þessum degi eins
og ég hefði annars haft.
Hefði ekki verið manneskjulegra
að selja miðana á lægra verði og
hleypa þá engum frítt inn á svæðið?
Ég veit um fullt af fólki sem hefði
farið á tónleikana ef það hefði kost-
að minna!
Það er alveg á hreinu að ég læt
ekki plata mig svona aftur. Ekki
reikna með mínum seðlum næst!
Ég skora á óánægða tónleikagesti
að láta í sér heyra. Eigum við ekki
að heimta endurgreiðslu?
HILDUR SVEINSDÓTTIR,
Bólstaðarhlíð 23,
105 Reykjavík.
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskiiur sér rétt til að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
til birtingar teljast samþykkja þetta, ef ekki fylgir fyrirvari hér að lútandi.