Morgunblaðið - 14.10.2000, Blaðsíða 18
18 LAUGARDAGUR 14. OKTÓBER 2000
MORGUNBLAÐIÐ
FRÉTTIR
Nemendur áttunda bekkjar Laugalækj ar skdla taka þátt í verkefninu Dagblöð í skólum
Eiríkur Emir Þorsteinsson og Páll Helgi Sigurðarson segja að þeim finnist áhugaverðast að lesa um það
sem er að gerast úti í heimi.
Jóhann Þorvaldur Bergþórsson og Birkir Grétar Halldórsson klipptu fyrirsagn-
ir út úr blöðum og skrifuðu nýjar fréttir með þeim.
Gervilöggur
og stríðsátök
vöktu mesta
athygli
Dagblöð hafa verið notuð til kennslu í átt-
unda bekk í Laugalækjarskóla undanfarna
viku. Birna Anna Björnsdóttir og Ásdís Ás-
geirsdóttir heimsóttu nemendur þar sem
sátu og veltu fyrir sér fréttum vikunnar.
NEMENDUR áttunda bekkjar í
Laugalækjarskóla hafa undanfarna
viku tekið þátt í verkefninu „Dag-
blöð í skólum“ sem er samstarfs-
verkefni dagblaðanna á íslandi,
Dags, DV og Morgunblaðsins, og
Fræðslumiðstöðvar Reykjavíkur.
Verkefnið snýst meðal annars um
að fá nemendur til að venjast því
að lesa mismunandi gerðir blaða-
greina og frétta og segja skipulega
frá því sem þeir hafa lesið og eru
dagblöð og annað efni tengt þeim
notað til kennslu í eina viku. Þegar
litið var inn í kennslustund hjá 8-L
í Laugalækjarskóla sátu nemendur
önnum kafnir yfir dagblöðum og
vinnubókum sínum. Þeir Birkir
Grétar Halldórsson og Jóhann
Þorvaldur Bergþórsson leyfðu
blaðamanni og ljósmyndara að
trufla sig augnablik við vinnuna.
„Við fáum dagblöð á hverjum degi
í skólanum, Dag, Dagblaðið og
Morgunblaðið, og svo vinnum við
verkefni upp úr blöðunum," segir
Birkir. „í dag erum við að klippa
út fyrirsagnir og líma í bækurnar
okkar og svo skrifum við nýjar
fréttir við fyrirsagnirnar,“ segir
Jóhann. „Það er skemmtilegt að
skrifa nýjar fréttir. Það er gaman
að geta skáldað og gert það sem
maður vill,“ segir Birkir.
Jóhann er búinn að klippa út
fyrirsögnina „Bush stóð sig betur“
og líma hana efst á blaðsíðu í
vinnubók sinni. „Þetta var frétt um
kappræður og skoðanakannanir, en
svo skrifaði ég frétt um að Bush
hefði unnið forsetakosningamar,"
segir Jóhann.
Þegar Jóhann og Birkir fletta
vinnubókum sínum má sjá ýmis
fleiri verkefni sem þeir hafa unnið.
Til dæmis hafa þeir fundið fréttir
sem fjalla um börn og unglinga og
límt inn í bækur sínar. Eins hafa
þeir klippt út skemmtilegar mynd-
ir og fréttir sem hafa vakið sér-
staka athygli þeirra. „Hér er til
dæmis grein um að það megi ekki
selja börnum tóbak,“ segir Jóhann.
„Og hér eru myndir af krökkum
sem eru að telja bíla fyrir utan
skólann sinn,“ segir Birkir.
Örugglega algjör martröð
að vera þarna
Birkir og Jóhann segja að þeim
finnist fréttir af gervilögregluþjón-
unum hafa verið skemmtilegustu
fréttir vikunnar. „Mér fannst fynd-
ið að sjá fréttir af þessu. Daginn
eftir að þeir voru settir upp var
búið að stela nokkrum þeirra,“ seg-
ir Birkir. Þeir segjast gjaman
fylgjast með íþróttafréttum en
misstu samt af stærstum hluta
landsleiks íslands og Norður-ír-
lands á miðvikudag. „Ég sá samt
markið. Það var mjög flott, en
þetta var reyndar algjör heppni,
því þetta var á síðustu sekúnd-
unni,“ segir Jóhann. „Ég vona að
þeir komist í HM, það yrði ótrúlega
gaman,“ segir Birkir. Strákarnir
segjast stundum fylgjast með er-
lendum fréttum, sérstaklega þegar
eitthvað merkilegt er að gerast.
Þeir fylgdust til dæmis með for-
setakosningunum í Júgóslavíu.
„Það er náttúrlega mjög gott að
Milosevic sé kominn frá völdum.
Ég veit samt ekki mikið um Kost-
unica en hann hlýtur að vera betri,“
segir Jóhann. Þeir hafa líka fylgst
með fréttum af átökum á Vestur-
bakkanum og Gaza-svæðinu undan-
farna daga og líst illa á ástandið
Morgunblaðið/Ásdís
Kristín Kolbrún Kolbeinsdóttir og Sigrún Anna Waage veltu fyrir sér athyglisverðum, torskildum og skemmti-
legum orðum sem þær höfðu lesið í dagblöðunum.
þar. „Það er örugglega algjör mar-
tröð að vera þama, vonandi kemur
ekki stríð,“ segir Birkir.
Áhugaverð, torskilin og
skemmtileg orð
Á veggjum skólastofunnar eru
stór spjöld með ljósmyndum og
fréttum úr dagblöðum. Nemendur
hafa útbúið sérstakt spjald með
góðum fréttum, þar er mest áber-
andi frétt af þríburafæðingunni nú
í vikunni, einnig má sjá myndir úr
göngu í tilefni af alþjóðlegum degi
geðheilbrigðis og auglýsing frá
verslun þar sem segir að jólin séu
á næsta leiti. Einnig hefur verið
útbúið sérstakt spjald með slæm-
um fréttum og þar ber hæst fréttir
af átökum Palestínumanna og ísra-
ela og hryðjuverkum ETA, aðskiln-
aðarhreyfingar Baska, á Spáni. Á
öðru spjaldi er listi yfír „áhuga-
verð, torskilin og skemmtileg orð“
sem krakkarnir hafa rekið augun í
við lestur blaðanna. Orðunum
fylgja skilgreiningar sem þau hafa
ýmist fundið í orðabókum eða feng-
ið í samtölum við kennara sína.
Einnig eru veggspjöld með Ijós-
myndum sem þeim hafa þótt sér-
lega athyglisverðar og spjöld með
alls kyns upplýsingum sem þau
hafa fundið í blöðunum.
Sennilega skrýtið að vera með
gervilöggu heima hjá sér
Sigrún Anna Waage og Kristín
Kolbrún Kolbeinsdóttir eru búnar
að fylla tvær síður í vinnubókum
sínum af orðum sem hafa vakið at-
hygli þeirra. „Hérna eru nokkur
torskilin orð,“ segir Sigrún Anna,
„til dæmis „termítar", það eru
pöddur sem éta tré. Svo er hérna
eitt mjög skemmtilegt orð,
„skipulagsklúður", eitthvert skipu-
lag sem klúðrast og mistekst."
Kristínu Kolbrúnu finnst orðið
„fjarskiptarisi" líka mjög skemmti-
legt. „Svo er „heildarveiði" líka
mjög áhugavert orð og sömuleiðis
orðið „eftirlegukindur“,“ segir
Kristín Kolbrún. Stelpunum finnst
skemmtilegt að lesa stjömuspána
og fréttir af fólki og svo segjast
þær líka fylgjast með því helsta
sem er í fréttum, bæði erlendum
og innlendum. „Það er gott að vita
hvað er að gerast út í heimi," segir
Sigrún Anna. „Stríðið í Palestínu
er eiginlega það merkilegasta sem
er búið að vera í fréttum í vik-
unni,“ segir Sigrún Anna og Krist-
ín Kolbrún tekur undir það. Þær
segjast líka hafa lesið fréttir af því
sem hefur verið að gerast á íslandi
í vikunni og segjast hafa tekið sér-
staklega eftir fréttum af göngu
áhugafólks um bætta geðheilsu.
„Þá var verið að mótmæla for-
dómum. Fólkið var með poka á
hausnum og kastaði svo fordómun-
um á eldinn," segir Sigrún Anna.
„Við gerðum líka verkefni þar sem
við áttum að finna einhverja frétt
sem var í öllum blöðunum. Ég
valdi mér gervilöggurnar því að
mér fannst þetta svolítið sniðugt,“
segir Kristín Kolbrún. Þær furða
sig dálítið á því að einhver hafi vilj-
að stela gervilögregluþjónunum,
enda væri sennilega skrýtið að
vera með svoleiðis grip heima hjá
sér.
Ofbeldið báðum að kenna en
þeir kenna hvor öðrum um
Eirkíkur Ernir Þorsteinsson og
Páll Helgi Sigurðarson lesa dag-
blöð stundum heima hjá sér og
þykir dagblaðalestur „alveg ágæt-
ur“. Þeim finnst skemmtilegast að
lesa myndasögurnar og stundum
fréttir. Eiríkur Ernir segir að sér
finnist „áhugaverðast að lesa um
það sem er að gerast úti í heimi“
og Páll Helgi tekur undir það.
Strákarnir eru búnir að klippa út
fjölda fyrirsagna og líma í bækur
sínar. Páll Helgi valdi fyrirsögnina
„Clinton heitir refsingum" og skrif-
aði með henni nýja frétt. Þar segir
að Clinton hafí hótað að láta stóran
her hrekja bæði Arafat og Barak
úr landi til þess að binda enda á of-
beldi milli ísraela og Palestínu-
manna. Páll Helgi segir að átökin
muni ekki hætta nema allir her-
mennirnir fari úr landi og segir
hann að þá mættu þeir ekki hafa
vopnin með sér.
„Ég held að þetta ofbeldi þarna
sé báðum að kenna, en þeir kenna
alltaf hvor öðrum um til þess að
hafa einhverja afsökun," segir Páll
Helgi.