Morgunblaðið - 14.10.2000, Blaðsíða 62

62 LAUGARDAGUR 14. OKTÓBER 2000
MINNINGAR
MORGUNBLAÐIÐ
+
Ástkær móðir mín, tengdamóðir, amma og
langamma,
GUÐRÚN ÞÓRARINSOÓTTIR
fyrrverandi prófastsfrú,
Saurbæ,
Hvalfjarðarströnd,
andaðist á elliheimilinu Grund fimmtudaginn
12. október.
Hrafnkell Sigurjónsson, Unnur Jónasdóttir,
barnabörn og barnabarnabörn.
+
Móðir okkar, tengdamóðir, amma og langamma,
VALGERÐUR SIGURÐARDÓTTIR
frá Hafnarnesi,
Fáskrúðsfirði,
lést á Heilbrigðisstofnun Suðurnesja fimmtudaginn 12. október.
Aðstandendur hinnar látnu.
+
Faðir okkar og tengdafaðir,
OTTÓ SVAVAR JÓHANNESSON,
Skjólbraut 1a,
Kópavogi,
lést á Landspítalanum Fossvogi fimmtudaginn
12. október.
Björgvin B. Svavarsson, Sesselja H. Guðjónsdóttir,
Elísabet Svavarsdóttir, Ólafur Guðmundsson.
+
Eiginmaður minn, faðir okkar, tengdafaðir, afi og langafi,
SIGURSTEINN JÓHANNSSON,
Merki,
Borgarfirði eystri,
lést á heimili sínu fimmtudaginn 12. október.
Þórdís Sigurðardóttir,
synir, tengdadætur, afabörn og langafabörn.
+
Innilegar þakkir til allra þeirra sem sent hafa samúðarkveðjur við fráfall
BRIANS D. HOLT
fyrrum ræðismanns.
Bálför hefur farið fram i kyrrþey.
Guðrún Fr. Holt
og fjölskylda.
+
Innilegar þakkir fyrir auðsýnda samúð og vin-
arhug við andlát og útför
GUÐNÝJAR ÓLAFAR STEFÁNSDÓTTUR,
Siglufirði.
Fyrir hönd ættingja og vina.
Aðalheiður Rögnvaldsdóttir.
+
Þökkum af alhug auðsýnda samúð og
vináttu vegna fráfalls
HALLDÓRS EYJÓLFSSONAR,
Espigerði 2.
Sérstakar þakkir færum við Karlakór
Rangæinga.
Dagbjört Þórðardóttir,
Margrét Dögg Halldórsdóttir, Jakob Ragnarsson,
Kristín Guðmundsdóttir,
Guðmundur Þ. Halldórsson, Helga Herbertsdóttir,
Guðrún Halldórsdóttir,
Gróa Halldórsdóttir,
Ragnheiður Halldórsdóttir,
Ómar Halldórsson,
Smári Einarsson,
Ingi Guðjónsson,
Jón Sigurðsson,
Margrét Guðjónsdóttir,
barnabörn og barnabarnabörn.
JÓHANNA KRISTÍN
HELGADÓTTIR
+ Jóhanna Kristín
Helgadóttir
fæddist í Vest-
mannaeyjum 9.
október 1915. Hún
lést 7. október síð-
astliðinn. Foreldrar
hennar voru Þór-
fjnna Finnsdóttir og
Ágúst Helgi Helga-
son, bæði eru þau
látin. Systkini Jó-
hönnu Kristínar
voru þrjú og eru
þau einnig látin.
Jóhanna Kristín
giftist Sigurði Óla
Sigurjónssyni 5. október 1934,
og bjuggu þau allan sinn búskap
í Vestmannaeyjum. þau eignuð-
ust fimm börn. 1) Þóra, f. 20.
aprfl 1935, eiginmaður hennar
er Ástvald Bern Valdimarsson
og eiga þau tvö börn. 2) Kristín,
f. 8. mars 1937, eig-
inmaður hennar er
Runólfur Runólfs-
son og eiga þau
fimm dætur. 3)
Ásta, f. 2. mars
1942, eiginmaður
hennar er Kjartan
Guðfinnsson og
eiga þau Qögnr
börn. 4) Þráinn, f. 9.
ágúst 1946, fráskil-
inn og á hann þrjá
syni. 5) Sigurjón, f.
3. september 1952,
eiginkona hans er
Þóra Björk Ólafs-
dóttir og eiga þau fjögur börn.
Síðustu árin var Jóhanna
Kristfn á Hrafnistu, Hafnarfirði.
Utför Jóhönnu Kristínar fer
fram frá Landakirkju í Vest-
mannaeyjum í dag og hefst at-
höfnin klukkan 16.
Mitt fley er lítið
en lögurinn er stór,
og leynir þúsundum skerja
en aldrei mun granda brim né sjór
því skipi er drottinn má verja.
Þessi orð hér á undan, elsku
mamma mín, færa rrpg langt aftur
í tímann og minna okkur á, oft við
erfiðar stundir í misjöfnum veðr-
um þegar pabbi var á sjó og þú
með börn og bú heima á Þingeyri.
Þá var farið upp á loftskörina og
litið út um stafngluggann austan-
megin, fylgst með hvort sæist til
báta koma að landi.
Þegar við sáum báta koma inn
víkina, fórum við Stína systir nið-
ur á bryggju. Ef við vorum heppn-
ar og pabba bátur var kominn vor-
um við svo glaðar í okkar
barnssálum. Ævinlega kom pabbi
strax til okkar og við spurðum
hvað þeir hefðu fiskað mikið núna.
Síðan flýttum við okkur heim til að
segja þér mamma mín fréttirnar.
Þú varst alltaf svo glöð og þér
leið svo vel þegar pabbi var kom-
inn að landi. Ég á svo margar góð-
ar og fallegar minningar um þig,
sem geymast í hjarta mínu, elsku
mamma mín.
Ég veit að þú átt góða heim-
komu í himnasali Drottins og
kveðjuorðin til þín eru:
Elsku besta mamma mín,
mjúk var alltaf höndin þín
er tárin straukst af hvörmum mér.
aldrei skal ég gleyma þér.
Þín dóttir,
Þóra.
Ég vil með fáeinum orðum
minnast ömmu minnar, Jóhönnu
Kristínar Helgadóttur, sem kvaddi
þennan heim laugardaginn 7. októ-
ber síðastliðinn.
Elsku amma, nú hefur þú kvatt
okkur og fengið hvíldina eftir erf-
iðan tíma. Það er erfitt að hugsa til
þess að geta ekki leitað til þín
lengur en þú, elsku amma, hefur
alltaf verið til staðar frá því að ég
fæddist á kontórnum hans afa á
Boðaslóðinni. Alltaf gat ég leitað
til þín með öll mín mál hvort sem
var í gleði eða sorg.
Öll mín uppvaxtarár var ég mik-
ið hjá ykkur afa. Oft svaf ég hjá
þér, amma mín, þegar afi var á sjó
Sérfræðingar
í blómaskreytingum
við öll tækifæri
1 ‘WB) blómaverkstæði 1
I ISlNNAfe |
Skólavörðustíg 12,
:í liorni Bergstaðastrætis,
sírni 551 9090.
og þá var nú oft gaman hjá okkur.
Það allra besta var þegar ég fékk
að sofa í afa rúmi. Leið mér þá
eins og prinsessu.
Þú þreyttist aldrei á að fræða
mig um lífið og tilveruna. Á kvöld-
in kenndir þú mér að sauma út og
á meðan var útvarpið alltaf stillt á
Radíóið svo að við gætum fylgst
með hvernig afa gengi á sjónum.
Síðan drukkum við kvöldkaffi og
alltaf áttir þú eitthvert góðgæti í
skájmum þínum.
Árin liðu og ég naut alltaf þinn-
ar hjálpar, elsku amma, gosið kom
og þessa örlagaríku nótt fórum við
öll fjölskyldan upp á land í bátnum
hans afa.
Alla leiðina til Þorlákshafnar
stóðst þú í brúnni við hlið afa og
hafðir auga með okkur öllum. I
gosinu fenguð þið afi gámahús til
afnota í Hveragerði en ekki stopp-
uðuð þið lengi þar, þið fluttuð eins
fljótt og hægt var út í Eyjar aftur
þrátt fyrir að stór hluti fjölskyld-
unnar yrði eftir uppi á landi.
I gosinu hafði ég eignast hana
Stínu mína og hjálpaðir þú mér
mikið með hana. Og seinna þegar
ég var ófrísk að Ástu tókst þú ekki
annað í mál en að ég og Stína
svæfum hjá þér og afa þegar faðir
þeirra var á sjó. Þá upplifði ég aft-
ur kvöldin okkar góðu frá barn-
æsku.
Seinna þegar ég flutti upp á
land og þið afi komuð í heimsókn
var oft glatt á hjalla. Gleymi ég
seint þegar þið afi komuð til okkar
í Njarðvík og Stína og Ásta voru
nýbúnar að fá ný reiðhjól og þú
vildir ólm fá að hjóla á þeim. Þú
sýndir okkur öllum að þú hafðir
engu gleymt, afi hristi bara höfuð-
ið og stelpurnar sögðu: „Lang-
amma hjólar.“
Seinna þegar Erna Sif fæddist
og við fluttum norður þótti þér nú
lítið mál að „skreppa" alla leiðina
frá Vestmannaeyjum og norður í
land að heimsækja okkur.
Elsku amma, ég á svo margar
góðar og skemmtilegar minningar
um þig sem ég mun aldrei gleyma.
Ég elska þig ofur heitt og ég óska
þér góðrar ferðar í ferðalagið
mikla til afa og Þórhildar systur
sem ég veit að bíða þín og taka á
móti þér opnum örmum.
Ég vil þakka starfsfólki Hrafn-
istu í Hafnarfirði fyrir mikla og
góða umönnun og góðvild við
ömmu mína. Og móður minni vil ég
þakka fyrir hennar daglegu ferðir
til ömmu á Hrafnistu. Megi Guð
gefa þér styrk í sorginni.
Hérna er svo lítið ljóð sem segir
svo margt um ömmu.
Sólin er hnigin,
sest bakvið skýin.
Og ég hugsa til þín næturlangt.
Baráttuknúin,
boðin og búin.
Tókst mig upp á þína arma á ögur-
stundu.
Þú varst alltaf þar í blíðu og stríðu
og hjá þér átti ég skjólið mitt.
Alltaf gat ég treyst á þína þýðu.
Og þakka þér
alla mína ævidaga.
Hve oft þú huggaðir og þerraðir tárin
mín.
Hve oft þau hughreystu mig orðin þín.
Studdir við bakið,
- stóðst með mér alla leið.
Opnaðir gáttir.
Allt sem þú áttir
léstu mér í té og meira til.
Hóf þitt og dugur,
heill var þinn hugur,
veittir mér svo oft af þínum vizku-
brunni.
Kenndir mér og hvattir æ til dáða.
Og mín kaun græddir þá þurfti við.
Alltaf mátti leita hjá þér ráða.
Og ég eigna þér
svo ótal margt í mínu lífi.
(Stefán Hilmarsson.)
Guð blessi þig, amma mín, og
takk fyrir allt.
Þín
Jóhanna Sigríður (Hanna
Sigga).
Elsku amma, þegar litið er um
öxl virðist eins og tíminn hafi í
einni svipan liðið hjá án þess að
gera grein fyrir komu sinni. Ef til
vill er það vísbending um að slíkt
sé eðli hans þegar lífið gengur sinn
vanagang. Þannig líður okkur nú
þegar við viljum kveðja þig og
þakka þér fyrir það sem þú varst
okkur. Allt sem þú gafst í þann
góða sjóð sem við nú búum að. Við
viljum að lokum senda þetta litla,
fallega ljóð eftir Þórarin Jónsson:
Þú, Drottin guð, oss færir friðinn
farsæld lífsins og mildi sanna.
Sannleikans eru sjónarmiðin
sýnileg trygging velferð manna.
Elskaðu guð, af öllum mætti
ástar, vonar og trúarinnar.
Þá mun ljós guðs með huidum hætti
höfða til mildi sálar þinnar.
Þín ömmubörn,
Freyja, Guðfinnur og
Sigurður ÓIi.
Elsku langamma, núna ertu far-
in til afa. Á þessari stundu reikar
hugurinn til baka til allra stund-
anna sem ég átti með ykkur afa á
Boðaslóðinni þegar ég var lítil.
Sterkust er minningin um hvað þú
varst alltaf góð og skemmtileg.
Það var aldrei lognmolla í kringum
þig. Þú tókst upp á ýmsu sem aðr-
ar langömmur myndu ekki gera.
Það var alveg sama hvað ég gerði,
aldrei tókstu því illa heldur hlóst
að mér og gerðir gott úr öllu. Líka
þegar ég „týndist" þegar ég átti að
fara með þér í vinnuna en langaði
ekki og faldi mig með hjálp Jó-
hanns Helga. Alltaf varstu boðin
og búin til að leika við okkur
krakkana. Margt kvöldið fórstu
með okkur á pysjuleit. Og þegar
ég var orðin fullorðin og langaði til
að flytja aftur til Eyja, þá tókstu
mig inn á heimili þitt og Þráins
frænda. Áttum við þá margar
skemmtilegar stundir saman við
hárlagningu og spjall yfir kaffi-
bolla. Það var alveg sama hvað
mér lá á hjarta, alltaf gat ég leitað
til þín og fengið ráð og stuðning.
Svo fórstu á Hrafnistu í Hafnar-
firði, mikið leið þér vel þar. Og
alltaf tókstu vel á móti mér þar.
Enda kom ég alltaf til þín þegar ég
kom til Reykjavíkur. Ég mun
aldrei gleyma hvað þú varst stolt
og glöð þegar ég kom til þín og
sagði þér að þú værir að verða
langalangamma. Þú talaðir ekki
um annað á meðan ég var hjá þér.
Og þegar ég og amma komum til
þín að sýna þér langalangömmu-
strákinn þá vissi ég ekki hvert þú
ætlaðir af stolti og gleði. Þú gast
varla haft af honum augun þar sem
hann svaf í kerrunni sinni og mátt-
ir varla vera að því að tala við okk-
ur.
Elsku amma, ég veit að núna líð-
ur þér vel þar sem þú ert loksins
búin að hitta afa aftur.
Kær kveðja,
Kristín.