Morgunblaðið - 14.10.2000, Blaðsíða 31

MORGUNBLAÐIÐ
LAUGARDAGUR 14. OKTÓBER 2000 31
ERLENT
Framboð Noregs til að hljóta sæti í öryggisráði Sameinuðu þjóðanna
Italir beittu öllum
mögulegum brögðum
Ósltí. Morgunbladid.
ÍTALIR beittu öllum brögðum til að hafa
betur í samkeppninni við Noreg um sæti í
öryggisráði Sameinuðu þjóðanna en urðu
þrátt fyrir það að játa sig sigraða þegar upp
var staðið eftir atkvæðagreiðsluna í allsherj-
arþingi SÞ sl. þriðjudagskvöld.
Eru ítalskir ráðamenn meðal annars sagð-
ir hafa beitt nokkur lönd þeirri hótun, að
styðja ekki umsókn þeirra um inngöngu í
Evrópusambandið, ef þau styddu ekki Ítalíu
til setu í öryggisráðinu, eftir því sem norska
blaðið Aftenposten greinir frá. Þrjú Vestur-
Evrópuríki, Noregur, Italía og Irland, sótt-
ust eftir þeim tveimur sætum í ráðinu sem
að þessu sinni stóðu löndum í þessum
heimshluta opin.
Öðrum ríkjum með atkvæðisrétt hjá SÞ
var heitið aukinni þróunaraðstoð kysu þau
„rétt“, en var hótað skertri aðstoð ef þau
héldu fast við að styðja Noreg og írland.
Daginn eftir að Noregur og Irland höfðu
náð kjöri til setu í öryggisráðinu en Ítalía
ekki upplýstu norskir stjórnarerindrekar
hvernig þeir hefðu orðið að haga sér til þess
að verjast því sem þeir kölluðu „mjög svo
ýtna“ atkvæðaveiðasókn Itala.
Að sögn Norðmannanna létu ítalir sér
fátt fyrir brjósti brenna í atkvæðaveiðunum;
loforðum og hótunum var óspart beitt. Italir
tóku ákvörðun um framboð miklu seinna en
Norðmenn og írar og urðu því að beita þeim
mun harðari kosningabaráttu. Mörg lönd
höfðu þegar heitið Norðmönnum og írum
stuðningi, þegar Italir hófu atkvæðaveiðarn-
ar.
Framboð Ítalíu var óvinsælt víða í SÞ-
kerfinu, þar sem aðeins fáein ár eru liðin frá
því landið sat síðast í öryggisráðinu og röðin
því ekki komin aftur að Italíu. Ráðamenn í
Róm virðast hins vegar vilja líta svo á, að
Ítalía sé stórveldi sem eigi tilkall til þess að
eiga fast sæti í ráðinu, ekki síður en Frakk-
land og Bretland. Ekki var nóg með að ít-
alska stjórnin beitti þróunaraðstoðarsjóðn-
um og hótunum um að hindra ESB-aðild
vissra ríkja, heldur settist forseti landsins
við simann og hringdi í þjóðarleiðtoga ým-
issa landa. „Engum í Noregi datt í hug að
biðja Harald konung um að hringja út um
allan heim,“ skrifar Aftenposten.
„Við teljum að ítalir hafi beitt svo miklum
þrýstingi, að ráðamenn sumra landa hafi
einfaldlega sagt ,,já, já“ án þess að hafa í
hyggju að greiða Italíu atkvæði enda var at-
kvæðagreiðslan leynileg.. Við höldum að Ital-
ir hafi talið sig vera búna að fá vilyrði um
stuðning 145 ríkja, en í atkvæðagreiðslunni
fékk Ítalía mest 94 atkvæði,“ hefur Aft-
enposten eftir Bjarne Lindström, ráðuneyt-
isstjóra norska utanríkisráðuneytisins.