Árbók Hins íslenzka fornleifafélags - 01.01.1925, Blaðsíða 6

6
og er ljóst af því, að hann hefði verið orðinn háaldraður ef hann
hefði verið á lífi 962. Önnur rök benda og til hins sama, um aldur
Vébjarnar, og að víg hans hljóti að hafa orðið löngu fyrir 962, jafnvel
fyrir 930. Hann gaf Védísi systur sina Grímúlfi í Unaðsdal. Grímúlfur
var sonur landnámsmanns. Hefir brúðkaup þeirra eigi verið mjög löngu
eptir að þau systkin komu til landsins. Þeir urðu missáttir mágarnir,
Vébjörn og Grímúlfur. Vébjörn vó Grímúlf og fyrir það var hann
sjálfur veginn. Líklegast virðist, að víg Grímúlfs hafi orðið meðan
Vébjörn enn var á léttasta skeiði, og að Vébjörn hafi verið veginn
í eptirmálunum eptir Grímúlf. Til þess bendir það, að hann var veg-
inn á þingi. En hafi Vébjörn verið veginn í eptirmálum eptir Grímúlf,
þá hefir skamt liðið milli víga þeirra, og Vébjörn því eigi verið orðinn
gamall, er hann féll. Enn má geta þess, að Auður, kona Gisla Súrssonar,
og kVésteinn fóstbróðir hans, eru talin bróðurbörn Vébjarnar, en
móðir þeirra er þó talin sonardóttir Áns rauðfelds landnámsmanns1).
Þau Auður og Vésteinn hafa verið fulltíða um 955. Aldur þeirra og
móðerni fær betur samrýmst því, að faðir þeirra hefði verið bróður-
sonur Vébjarnar en ekki bróðir, enda taldi Guðbr. Vigfússon, að svo
hefði verið2). Alt þetta bendir því til þess, að Vébjörn geti ekki
hafa verið veginn eptir 962. En hvernig stendur þá á því, að sagt
er, að hann hafi verið veginn á fjórðungsþingi í Þórsnesi? Um það er
þess fyrst að geta, að Hauksbók segir, að hann hafi verið veginn á Þing-
eyrarþingi í Dýrafirði3). Ef þetta er rétt, hefir víg hans orðið einmitt
á því þingi, þar sem vænta mátti, að eptirmál Grímúlfs hefði verið
rekið, því þinginu, er næst var vettvangi, en Grímúlfur var veginn hjá
Grímúlfsvötnum, sem líklega eru í Ögursveit4). Vorþingið í Þorska-
fjarðarþingi sýnist ýmist hafa verið háð í Dýrafirði eða í Þorskafirði.
En óvíst er, að lesháttur Hauksbókar sé réttari en hinna handritanna,
enda eru engin gögn fyrir því, að Þingeyrarþing sé eldra en 930, en
hinsvegar, eins og áður var sýnt fram á, allar líkur á því, að Vébjörn
hafi verið veginn fyrir 930. Og ,þá er einmitt líklegt, að eptirmál
Grímúlfs hefði orðið á Þórsnesþingi. Það var til fyrir 930, og er eina
þingið, sem kunnugt er um, að þá hafi verið til á Vesturlandi. Hafi
því víg Grímúlfs verið fært í saksóknir, gat það varla verið á öðru
þingi en þessu. Væri tilgáta þessi rétt, væri hér eitt af þeim fáu
dæmum, sem til eru, um þinghald hér á landi, áður en alþingi var sett,
1) Landnáma II. 27, bls. 105, Gísla saga Súrssonar útg. Finns Jónssonar,
Halle 1903 IV. 3, bls. 10.
2) Safn I. bls. 367.
3) Landnáma útg. Finns Jónssonar Kbh. 1900 bls. 49.
4) Sbr. Árb. fornl.fél. 1888—1892 bls. 125,