Árbók Hins íslenzka fornleifafélags - 01.01.1981, Qupperneq 77

81
DULARFULLIR SKURÐLISTARMENN Á 18. ÖLD.
4. mynd. GaJ'I á kisttinum á 3. mynd. — Ljósm. Nordiska museet, Stokkhólmi.
verk, flokkarnir tveir sem tengjast nafni hans, sem virðast hafa sterkast ættar-
mót með skurðverkinu frá 1774.
í Þjóðminjasafni íslands er sem stendur gott tækifæri til að bera flokkana
tvo saman. Svo hagar til að hlutir úr þeim báðum eru til sýnis við sama vegg.
Úr öðrum hópnum er hér átt við kistil (8. mynd), skáp (6. mynd) og fjöl sem
upprunalega hefur verið áttköntuð (5. mynd). Á öllum þessum hlutum er
smágert útskorið skreyti, gegnskorið og áfest og málað í mörgum litum. Úr
hinum hópnum eru það svo dragkista (15. mynd) og kistill (16. og 17. mynd),
hvorttveggja með útskurði allt annars eðlis.3 Hann er stórgerðari og yfir-
borðsmeðferðin mjög frábrugðin. En hugsanlegt er að skreytið í þessum
flokki hafi upphaflega einnig verið málað mörgum litum. (Leifar af litum eru
á kistlinum sem sýndur er á 12. og 13. mynd).
Það er vel þess virði að grandskoða fleiri hluti úr báðum flokkum, þegar við
hyggjumst skilgreina útskurðinn nánar í smáatriðum. Við skulum fyrst snúa
okkur að þeim hópi hluta sem eru með hinum örsmáu skreytiþáttum, fínt og
nosturslega skornum (3.-11. mynd), og við köllum þetta flokk 1. Eðlilegt
getur verið að byrja á kistli með ártalinu 1755 (3. og 4. mynd)4 Ártalið er skor-
ið ofan i flötinn með rómverskum tölum á framhliðinni: ,,ANO.M:DCC:LV“.