Árbók Hins íslenzka fornleifafélags - 01.01.1981, Qupperneq 78

82
ÁRBÓK FORNLEIFAFÉLAGSINS
5. mynd. Gegnskorið skreyti af skápshurð. H. 26 cm. Þjms. 858. Kom frá Hvammi í Hvamms-
sveit. — Ljósm. höf.
Kistillinn er fagmannlega smíðaður, með strikuðum umgerðarlistum á öllum
flötum, loki, hliðum og göflum (suma listana vantar nú). Það eru báðir gaflar
og lokið, sem eru með áfestu gegnskornu skreyti. Skreytið á öllum þremur
flötunum er samhverft. Á öðrum gaflinum vaxa grannar greinar og blaðverk
upp og út frá hjarta í miðjunni. Á hinum tveimur flötunum vex samskonar
gróður upp úr blómavasa. Gerð blaðanna er mismunandi, sum eru með hvöss-
um broddi, önnur kringdum. Eitt einkenni vekur öðru fremur athygli, en það
er kólflaga eða dálítið perulaga endir miðstöngulsins ofan til. Þar upp frá vex
laufblaka (vifta, 5-blaða pálmetta), og upp frá miðblaði hennar vex önnur
laufblaka (3-blaða pálmetta). Stönglar og blöð eru sumpart sneidd til beggja
hliða, svo að kambur verður í miðju. Kistillinn er málaður og skreytið marg-
litt.
Meðal efnisþátta áttköntuðu fjalarinnar (5. mynd) finnum við aftur margt
af því sama. Einnig hér er skreytið samhverft, nema hvað skásett laufblaka er
neðst í staðinn fyrir vasann. Þetta litla ósamhverfa efnisatriði getur minnt lítið