Árbók Hins íslenzka fornleifafélags - 01.01.1981, Side 161

ÞÓR MAGNÚSSON
SKYRSLA UM ÞJÓÐMINJASAFNIÐ 1980
Starfslið
Sú viðbót varð við fast starfslið safnsins á árinu, að Lilja Árnadóttir fil.
kand. var sett í stöðu safnvarðar frá 1. september, en Lilja hefur unnið i safn-
inu talsvert undanfarin ár að ýmsum störfum. Kemur staða Lilju í raun í stað
launþegastöðu Lúðvíks Kristjánssonar, en hún mun hafa með höndum umsjá
gömlu bygginganna, sem eru á fornleifaskrá, en einnig ýmis önnur tilfallandi
safnstörf eftir ástæðum. Að öðru leyti en þessu er starfslið hið sama og áður.
Almennt um safnstörf
Á árinu var lokið við að setja upp gömlu baðstofuna frá Skörðum í Dala-
sýslu, sem tekin var ofan 1955 og hefur verið geymd hér í safninu síðan. Var
hún sett upp þar sem Ásbúðarsafn var áður, en það tekið niður að mestum
hluta. Var mikill áhugi á að koma þannig upp sýnishorni af hibýlum fólks
fyrrum, enda tókst hér mjög vel til. Uppsetningu önnuðust þeir Pétur G.
Jónsson og Baldur Jóhannsson smiður, en allmikið þurfti að smíða í hana að
nýju, svo sem gólf að hluta og glugga.
Inga Lára Baldvinsdóttir vann talsvert í safninu að skráningarstörfum,
einkum skráði hún drjúgan hluta safns Sigurðar málara Guðmundssonar,
bréf til hans, teikningar, myndir, vasabækur og ýmislegt smáskrif og annað,
sem honum tilheyrði eða tengt er honum sérstaklega og verið hefur óskráð alla
tíð, nema mannamyndirnar. Fékk safnið sérstök skráningareinkenni, en frá-
gangi þess var ekki lokið um áramót.
Þá var lokið silfurskráningu þeirri, sem Ole Villumsen Krog hefur unnið að
undanfarin sumur ásamt starfsfólki safnsins. Voru nú einkum skráðir og
myndaðir ýmsir silfurhlutir, íslenskir og erlendir, sem orðið höfðu út undan
við fyrri atrennur. Á árinu kom út endurskoðuð silfurstimplaskrá Chr. A.
Boje hjá Politikens forlag í Danmörku og er þar vandlega tíundað það sem til
er eftir danska silfursmiði þeirra tíma á íslandi. Sést nú best, hve mikil og
merk viðbót þessir íslensku gripir eru, enda komu í ljós ekki allfá ný afbrigði
danskra silfurstimpla hérlendis, sem ekki voru þekkt áður.
Þá var hafist handa um fornleifaskráningu og sáu þeir Guðmundur Ólafs-