Óðinn - 01.01.1929, Page 60

60
ÓÐINN
1
L
set, sem er kaþólskrar trúar, sendi honum að
gjöf, til minningar um vígsluna, málverk af
Guðmundi góða Hólabiskupi.
Forsætisráðherra Tryggvi Þórhallsson færði
kardínálanum stórkross Fálkaorðunnar með
stjörnu og skrifara hans riddarakross. Kvöldið
fyrir biskupsvígsluna var
kardínálinn og fylgdarlið
hans i boði bjá forsætisráð-
herra og flutti þá forsætis-
ráðherra ræðu til hans á
latínu, en kardínálinn svar-
aði með ræðu á sama máli.
Meðan kardínálinn dvaldi
hjer hjelt hann til á biskups-
setrinu í Landakoti. Var hon-
um tekið þar með mikilli
viðhöfn og flutti þá Marteinn
biskupsefni ræðu til hans í
kirkjunni, en Sigurður Skag-
field söng þar mótlökuljóð
eftir Stefán skáld frá Hvítadal.
Vilhjálmur kardínáli van
Rossum er einn af helstu
virðingamönnum kaþólsku
kirkjunnar. Hann er for-
fiTiíiTiIJititiTÍI
\wJt

Nýja kirkjan í Landakoti.
maður þeirrar stjórnardeildar hennar, sem annast
útbreiðslu trúarinnar, og nær valdsvið hennar
yfir kirkjuna í ókaþólskum löndum. Hann er
hollenskur að þjóðerni, fæddur 1854 og varð
kardínáli 1911.
Nýja kirkjan í Landakoti er tvimælalaust feg-
ursta kirkjan, sem reist hefur verið hjer á landi.
Hún stendur á hæð í vesturbænum og sjest
langar leiðir að. Utan af hafi er það kirkjuturn-
inn í Landakoli, sem fyrst sjest af bænum, og
ber hann hátt yfir aðrar byggingar. Kirkjan er
^ygð í gotneskum stíl; teikninguna hefur Guð-
jón Samúelsson, húsameistari ríkisins, gert, en
yfirsmiður var Jens Eyjólfsson byggingameistari.
Mestu hefur þó án efa ráðið um alla gerð húss-
ins Marteinn biskup sjálfur og ber kirkjan
órækan vott um listasmekk hans, dugnað og
áhuga, enda hefur hann með kirkjubyggingunni
reist sjer hjer minnismerki, sem lengi mun
halda nafni hans á lofti, og er kirkjan til sóma
öllum þeim, sem að henni hafa unnið. Myndin,
sem hjer fylgir, sýnir teikninguna af kirkjunni.
Yfirbygginguna á turninn vantar enn. Hann er
flatur að ofan, og verður, ef til vill, yfirbygg-
ingin, þegar til kemur, eitthvað öðruvísi en
myndin sýnir. En sje yfirbygging turnsins tekin
af, sýnir myndin kirkjuna eins og hún nú er.
Kirkjan er við vígsluna helguð Kristi og heitir
Kristskirkjan í Landakoli.
Marteinn biskup er fæddur í Þýskalandi 30.
okt. 1872, en tók stúdentspróf í Hollandi og
var siðan við háskóla suður í Algeríu. Flutti
óðinn mynd af honum og nokkra frásögn um
æfi hans og starf i XIX. árg. (1923). Nú hefur
hann dvalið hjer fullan aldarfjórðung, átti 25
ára dvalarafmæli hjer síð-
astl. haust. Hann er íslensk-
ur rikisborgari. Eftir ósk
van Rossum kardínála gekst
hann fyrir íslenskri sýningu
á heimssýningunni miklu í
páfahöllinni í Róm sumarið
1925 og var sú sýning íslandi
til hins mesta sóma. Mar-
teinn biskup fór þá til
Rómaborgar og flutti þar á
hátíðarsamkomu ræðu um
Island, en á eftir var sung-
inn þjóðsöngur okkar: »Ó,
guð vors lands«. í þeirri för flutti hann einnig
fyrirlestra um ísland í Hollandi, Belgíu og
Frakklandi. Er óhætt að segja, að Island eigi
öruggan forsvarsmann þar sem hann er.
Telja má víst, að nýja kirkjan í Landakoti
verði mönnum hvöt til þess, að vanda kirkju-
byggingar alment hjer á landi betur en verið
hefur til þessa.