Eimreiðin - 01.01.1902, Blaðsíða 68

68
þá raeð sér inn í annað herbergi og spurði hann, hvort hann þekti
sig ekki. Junker kvað nei við því.
»En ég mun aldrei gleyma yður og konan mín og börnin
ekki heldur; því yður á ég líf mitt að launa. Munið þér ekki
eftir strokumanninum frá Halle? Eg er sá hinn sami. Pegar við
við skildum, lagði ég leið mína til Hollands, og með því ég skrif-
aði vel og var vel aö mér í reikningi, fékk ég brátt stöðu við stóra
verzlun. Pegar húsbóndi minn dó, varð ég eftirmaður hans og
er nú giftur dóttur hans. En hefði ég ekki notið umhyggju yðar
og göfuglyndis, þá væri ég nú hvorki á lífi né hefði þessi ham-
ingja fallið mér í skaut.«
Junker viknaði svo, að hann gat ekki tára bundist, er kaup-
maðurinn varpaði sér í faðm hans. Og þarna stóðu þeir agndofa
í sömu sporum og föðmuðu hvor annan, unz húsfreyjan kom og
sagði, að kaffið væri komið á borðið. V. G.
Landbúnaður Dana.
Hinn 30. janúar þ. á. hélt fólkþingsmaður Blem (gózeigandi á
Borgundarhólmi) fyrirlestur í »Hagfræðisfélaginu« í Kaupmannahöfn
og sýndi þar fram á, hve félagsbú eða hlutabú danskra bænda
hefðu hrundið landbúnaði Dana áfram og gert hann heimsfrægan.
Vér setjum hér dálítið ágrip af ræðu hans til athugunar fyrir ís-
lenzku bændurna.
Hann mintist fyrst á smjörgerðina. Fyrsta hlutamylkið var
stofnaö í Ölgoðhreppi á Jótlandi 1882 (eða fyrir tæpum 20 árum)
af mylkisfræðingi Stilling Andersen. Eað má með sanni segja,
að þeir józku bændurnir. sem riðu á vaðið í þessu efni og urðu
fyrstir til að mynda félagsbú til smjörgerðar, hafi vakið öldu, sem
er að dreifa sér um allan heiminn.
Nú — eftir tæp 20 ár — eru í Danmörku 1057 hlutamylki,
sem talið er að kostað hafi 28 miljónir króna. Pau eru eign
140,000 hluthafa (bænda) og fá mjólkina úr 850,000 af þeim
1,011,000 kúm, sem til eru í landinu. Til þessara mylkja hafa