Ársrit Hins íslenska fræðafjelags í Kaupmannahöfn - 01.01.1921, Síða 6

6
I’orv. Thoroddsen
strá eftir þar sem þær fara yfir, en þær hverfa oftast
aftur eftir fáa daga. Ymsar bitflugur olla sjúkdómum,
malaría og ö&rum skæðum sóttum, og stundum gengur
þar austræn pest, sem rottur, og flær þeirra, flytja með sjer.
Ibúarnir í Mesopótamíu eru blendingur af allskonar ætt-
stofnum, frá alda öðli hefur hver þjóðbylgjan eftir aðra
oltið inn yfir sljetturnar; frjósemi og auður þessara hjer-
aða hefur hænt að sjer fátækari þjóðir, og espað ágirnd
hinna herskáu nábúa. Flestir tala þar nú arabisku og
eru Muhamedstrúar, þó eru nokkur kristin þjóðabrot hjer
og hvar, leifar af fornum trúarbragðaflokkum með allskon-
ar undarlegum sjerkreddum (Nestorianar, Sabíar, Jakobítar
o. fl.). íbúatalan í allri Mesopótamíu mun nú vera nálægt
2—3 miljónum, en til forna hefur talan eflaust verið io—
15 sinnum hærri. þriðjungur íbúanna lifir á akuryrkju og
kvikfjárrækt í föstum bústöðum, en hitt eru alt hreyfan-
legar hjarðmannakynslóðir, sem flökta fram og tilbaka
eftir beitinni. Mesopótamía hefur nú í þrjár aldir verið
undir stjórn Tyrkja og þó bygðir þessar þegar á 13. öld
væru komnar í niðurlægingu, þá hefur stjórn Tyrkja ekki
bætt úr, og íbúunum hefur stöðugt verið að fækka.
Neðri hluti Mesopótamíu, sem nú heitir Irak Arabi,
hjet til forna Babylonia og var það land frá aldaöðli frægt
fyrir frjósemi, fólksfjölda, auð og mikla menningu. Land-
ið er marflatt og alt sundurgrafið af ám og álum, kvísl-
um og síkjum, en sumstaðar eru uppistöðulón og mýra-
veitur. Að flatarmáli er Babylónía litlu minni en ísland
og íbúatalan nú tæplega 11/a miljón. Á dögum kalífanna
í Bagdad bjuggu á þessu svæði 24 miljónir manna, og í
fornöld þegar landið var í mestum blóma eflaust miklu
fleiri. Á dögum Sassanida, hinnar persnesku konungs-
ættar (226 — 551 e. Kr.) voru skatttekjurnar af Babyloníu
110 miljónir króna á ári, enn meiri hafa tekjurnar eflaust
verið í fornöld. Jarðvegurinn í Irak er mjög frjósamur