Ársrit Hins íslenska fræðafjelags í Kaupmannahöfn - 01.01.1921, Page 11

Kaflar úr fornsögu Austurlanda
Vlll. Súmer og Akkad.
Eítir miðja 19. öld fóru Evrópumenn fyrst verulega
að kynnast hinni miklu fornu menningu Austurlanda, sem
kend er við Babylón og hefur þekkingunni í þeim grein-
um fleygt fram á seinni árum. Eftir að hægt var að
lesa og þýða fleygletrið á hinum fornu leirtöflum, vaknaði
áhugi manna á rannsóknum þar að lútandi. Við gröft
í bæjarrústir í Babyloníu og Assyríu fundust fleiri og fleiri
töflur og áletranir, jafnvel heil stór bókasöfn með bók-
mentum, sem ná yfir 2—3 þúsundir ára. Fornleifar þess-
ar hafa verið fluttar til stórsafnanna í Európu og fjöldi
fræðimanna hefur árum saman setið við að þýða og út-
skýra. Fornöld Tvífljótalandsins er því altaf betur og
betur að skýrast og menn hafa nú þegar fengið vitneskju
um flest atriði þessarar forgömlu menningar, sem í mörg-
um greinum nálgast menningu nútímans. Tað er nú orð-
ið ljóst, að hin fyrstu frumatriði heimsmenningarinnar eiga
rót sína að rekja þaðan að austan og er auðvelt að finna
marga þræði, er tengja nútíðina við fornöld Babyloníu.
Það þarf ekki annað en minna á stjörnufræði, rímfræði,
mælinga- og talnafræði, grundvöllurinn til alls þessa hef-
ur í öndverðu skapast austur í Babylóníu. Frumpartar
hinnar verklegu menningar eru líka margir hverjir komuir
að austan og verklag Babylónarmanna, listhegurö og iðn-
aður hefur snemma á öldum haft mikil áhrif á aðrar
þjóðir. Baðan eru líka runnir ýmsir þættir trúbragða vorra
og kirkjukenninga og 'Gamla Testamentið ber mikil merki
hinna fornu Babyloníufræða, enda voru þjóðirnar náskyld-
ar og stöðugar samgöngur á milli, og hafði hin stærri
þjóðin því eðlilega mikil áhrif á hina minni.
Eftir að fræðimenn voru farnir að grafa sig niður í
skoðun og rannsókn hinna elstu fornleifa í Babylóníu og
glöggva sig á þeim, kom margt í ljós sem menn undruð-
ust stórlega. Pað sýndi sig að Babylónarmenn voru alls