Ársrit Hins íslenska fræðafjelags í Kaupmannahöfn - 01.01.1921, Page 31

Vendilsýsla
3*
fyr en í byrjun ársins 1658. A þessum árum var hagur
Vendilbúa mjög slæmur, því bæði gerði sænski herinn
mikinn usla í landinu, og einnig biðu þeir hinn mesta
skaða af hersveitum kjörfurstans af Brandenborg, sem
komu Dönum til hjálpar og ráku að lokum Svía burt,
en þær rændu, stálu og brendu sjálfar, eins miskunarlaust
og Svíar, um alla Vendilsýslu.
í Norðurlandaófriðnum mikla, frá 17CO til 1719,
hafði Tordenskjold af og til bækistöð sína í Friðriks-
höfn, og vann einu sinni allmikinn sigur yfir Svíum í sjó-
orustu r. maí 1712, í nánd við Friðrikshöfn. Hann
bjó hjer stundum á
árunum 1717—18 í
svonefndu Torden-
skjoldshúsi og gætti
að skipaferðum Svía
yfir Skagerak og
Kattegat.
Vendilbúar tóku
mjög mikinn þátt í
ófriðnum milli Dana
og Englendinga 1807
til 1814. í’eir söfnuðu allmiklum landvarnarher, sem
gerði mikið gagn, og var alt af á vaðbergi að verja
strendurnar fyrir landgöngu Englendinga, sem reyndu ná-
lega daglega að herja á strendur Vendilsýslu, og ræna og
rupla korni og búpeningi. Vendilbúar bjuggu einnig út
mörg víkingaskip (kaparaskip), er börðust oft við smá
herskip eða kaupskip Englendinga og báru ekki svo
sjaldan sigur úr býtum. I’eir hjálpuðu einnig Norðmönn-
um mikið í stríði þessu með því að flytja kornvöru til
þeirra, því að oft var mikið hallæri í Noregi á þessum
árum, eins og Henrik Ibsen lýsir svo vel í ^þorgeir í
Vík.« Vendilbúar fóru margar svaðilferðir á víkingaskip-
Hús 'rordenskjolds.