Ársrit Hins íslenska fræðafjelags í Kaupmannahöfn - 01.01.1921, Page 145

Æfingar I. P. Mullers
45
Gregor Paulsson, Den ny Arkitektur oversat af
Henning Bröchner. Kmhöfn (Aschehoug) 1920. Höfundur
bókar þessarar er sænskur, og hefur hann fengið mikið lof
fyrir hana í Svíþjóð. Tilgangur hans er að skýra frá stefn-
unum í byggingarlistinni, og benda á, hvernig sameina megi
fegurð og nytsemi; og höfundurinn á þar við alls konar hús,
bæði íbúðarhús, leiguhús, geymsluhús, verksmiðjur og fl. hús.
Bókina kveðst hann hafa ritað alveg eins fyrir ieikmenn eins
og fyrir húsgerðarmeistara. Bókin er einstaklega failega útgefin
og með fögrum myndum. Verð innb. 18 kr.
Alex. Foss, I Krigsaarene 19x4—1919. Kmhöfn
(Aschehoug) 1920. 8 + 278 bls. 8; verð 9 kr. 50.
Höfundurinn, verkfræðingur Foss, var einn af helstu
leiðtogum Dana á ófriðarárunum, og er mikill dugnaðarmaður.
í bókinni eru hinar helstu ræður, sem hann hjelt þá; eru
margar þeirra merkilegar og má kannast við það, hvort sem
menn eru sammála höfundinum eða eigi. Ein ræðan er um
Danmörku og ísland, haldin í landsþinginu 27. nóvbr. 1918,
28. bls. í stóru broti. Höf. taíar þar af hendi hægrimanna.
1. P. Mullep, Mit System. 8. útgáfa endursamin.
Kmhöfn (Jul. Gjellerups forlag) 1921. Verð 5 kr., innb. í
stíft 6,25. Muller-Óvelsep for skole og hjem af I. P.
Jespersen. Kmhöfn (Jul. Gjellerup) 1921. 68 bls. 3 kr. 50.
Fyrri bókin »Mín aðferð« er vel kunn á íslandi. Af
henni eru nú komin út 41000 eintök á frummálinu, en um
x^/2 miljón eintaka á 24 útlendum tungum; mun þó íslenska
þýðingin eigi talin með. Áttunda útgáfan er breytt og end-
ursamin. Höfundurinn hefur nú sjálfur sjeð, að æfingar hans
voru oferfiðar fyrir þá, sem eru lasburða, og í raun rjettri
einungis fyrir hrausta menn. Á þessu hefur hann nú ráðið
bót. Æfingarnar eru gerðar misjafnlega erfiðar, og getur hver
farið eftir því, sem á best við hann.
Síðari bókin, sem liðsforingi Jespersen hefur sett saman
eftir aðferð og kenningum Mullers, inniheldur nýjar æfingar.
Þær má gera á 5 mínútum, þá er menn hafa lært þær. Pær
virðast vera mjög vel valdar og einfaldar, og er hægt að
iðka þær hvar sem vera vill. Við þær þarf engin sjerstök
áhöld. Bók þessi er í raun rjettri hentugri fyrir allan fjölda
manna en »Mín aðferð«, og í henni eru margar nauðsynleg-
ar upplýsingar, sem hver maður, en þó sjerstaklega hver ungl-
ingur, ætti að þekkja. Hjarta og lungu, meltingarfærin, nýrun
og húðin eru hin nauðsynlegustu líffæri mannsins. Þá er
eitthvað af þeim bilar, er heilsan farin. Þess vegna er það
10