Ársrit Ræktunarfélags Norðurlands - 01.01.1981, Side 34

tilheyrandi vandræðum. Ekki er heldur talið vænlegt að auka
gjöfina hægar, svo fremi að kýrnar taki við henni. Þetta er
nokkuð einstaklingsbundið, og hér kemur til kasta góðs fjósa-
manns að átta sig á, hvað kemur hverri kú best, því átið í
byrjun mjaltaskeiðs hefur mikið að segja fyrir skeiðið í heild.
Nýlegar tilraunir sýna, að fóðrun samkvæmt þessu kerfi hefur
góð áhrif á nytina, og dregur úr hættu á súrdoða. Þess má
geta, að aukning hámarksnytar um 1 kg eykur heildarafurðir
kýrinnar á viðkomandi mjaltaskeiði um 200 kg.
Vel hefur reynst að gefa hey á undan kjarnfóðri á morgn-
ana og sömuleiðis að gefa kjarnfóður oftar en tvisvar á dag.
Margir setja kjarnfóðurþak við ákveðið magn, t.d. 6-8 kg, og
fer það eftir gróffóðrinu. Slík takmörkun virðist skynsamleg,
þar sem enn meiri gjöf myndi hafa neikvæð áhrif á gróffóð-
urátið, og gæti leitt af sér lystarleysi og aðra kvilla, og e.t.v.
valdið minni afurðum næsta skeið á eftir. Kúm er hollt að
fá 200-400 g/dag af fiskimjöli fyrstu 2-3 mánuðina eftir
burð. Mysufóðrun er og jákvæð í þessu sambandi. Kýr
verða að venjast á þetta fóður sem annað í geldstöðu. Fóðrun *
eftir nyt þýðir, að laga verður gjöf eftir nyt, ekki síður þegar
hún fer minnkandi. A því tímabili mun nægja að jafna hana
hálfsmánaðarlega.
Hvers vegna er mœlt með normfóðrun?
Mjólkurframleiðsla krefst áætlanagerðar, eigi eitthvert vit að
vera í henni. Á það ekki síst við um fóðrunina. Slurkafóðrun er
óhafandi og ætti ekki að þekkjast. Spurningin er því hvers
vegna mælt er með þessu kerfi öðrum fremur. Það þarf ekki
endilega að eiga alls staðar við. Á stærstu búum er erfitt að
koma einstaklingsbundinni fóðrun við. Sé kjarnfóður tiltölu-
lega ódýrt, miðað við verð á öðru fóðri, og fóðurkostnaður
lágur með litliti til þess verðs, er fæst fyrir mjólkina, skiptir
ekki öllu máli, þó einhver „ofnotkun“ fóðurs eigi sér stað
(virðist vera óhjákvæmilegur fylgikvilli þess, að fóðra allar kýr
jafnt á kjarnfóðri). Undir þeim kringumstæðum er alls ekki
víst að normfóðrun sé hagkvæmust. Öðru máli gegnir t.d. um
30 kúa og minni einyrkjabú, þar sem normfóðrun mun gefa
36