Ársrit Ræktunarfélags Norðurlands - 01.01.1981, Side 41

Ætla má, ef rétt er að fóðrun staðið, að þetta sé vel hægt.
Rétt fóðrun felur m.a. í sér að kýrin sé, að öðru leyti en orku,
fóðruð samkvæmt þörfum (normum), auk réttrar meðferðar
um og eftir burð eins og áður er vikið að.
Ljúkum þessum kafla því með nokkuð fyllri fóðuráætlun
samkvæmt aðferðinni um „hóflega“ undirfóðrun, þar sem
prótein, fosfór og kalsíum fá einnig að vera með, auk þess sem
notað er vothey og hey- eða graskögglar með þurrheyi, ásamt
kjarnfóðri og steinefnum eftir því sem með þarf. í töflu 9 er
gefið fóðurgildi og efnamagn það, sem fannst í gróffóðrinu við
efnagreiningu.
Fóðuráætlunin er gefin í töflu nr. 10.
Tafla nr. 9. Fóðurgildi og efnamagn í heyfóðri í fóðuráætlun.
Fóðurtegund Þurrefni % I hverju kg fóðurs eru:
FE g melt prót. g P g Ca
Þurrhey 85 0,56 85 2,5 3,5
Vothey* 25 0,16 25 0,7 1,0
Heykögglar 90 0,72. 70 2,0 3,0
* Af votheyinu þarf 6.1 kg pr. FE og er það svipað að fóðurgæðum og þurrheyið.
Hóflega undirfóðrun, eða kannske réttara sagt aðlagaða
normfóðrun sem þessa, hafa bændur í raun vitandi eða óaf-
vitandi nýtt sér. Ef reiknað er með að kýr, sem eru undirfóðr-
aðar um 1-1,5 fóðureiningar að meðaltali u.þ.b. fyrstu 6 vikur
frá burði, hafa þær misst um 20-30 kg af líkamsvefjum, eink-
um fitu.
f fóðuráætluninni í töflu nr. 10 kemur allvel í Ijós hvenær á
mjaltaskeiðinu hey- eða graskögglar nýtast best. Þeir hafa
takmarkað gildi um og eftir burð, en verulegt gildi við 15 kg
nyt. Yfirleitt má segja að kögglað gróffóður hafi mest gildi á
nythæðarbilinu 10-18 kg, en fer þó nokkuð eftir heygæðum,
43