Ársrit Ræktunarfélags Norðurlands - 01.01.1982, Blaðsíða 4
Hólastaður að vetrarlagi, Hólabyrða í baksýn. Byggingar frá vinstri: Prestssetur,
kennarabústaðir, íþróttahús, skólahús, kirkjuturn og kirkja, verkstœði í baksýn og fjós
lengst til hœgri. Ljósm. Jón Friðbjömsson.
eftir að Tryggvi Gunnarsson fór til búnaðarnáms i Noregi árið
1864 stefndi straumur ungmenna þangað um áraröð, til þess
hvattur af Jóni Sigurðssyni, er skrifaði um menntunina á
Stend og birti í Nýjum Félagsritum. Það var löng röð ísl-
endinga, er sótti skólann á Stend og má telja þar: Svein
Sveinsson, síðar skólastjóra á Hvanneyri, Guttorm Vigfússon
frá Arnheiðarstöðum, Jónas Eiríksson á Eiðum, Eggert
Finnsson, bónda á Meðalfelli, Jósep J. Björnsson, skólastjóra
á Hólum, Sigurð Sigurðsson, síðar skólastjóra, svo nokkur
nöfn séu nefnd. Vaknandi áhugi ungra manna að leita
menntunar á sviði búfræðinnar greri og óx eðlilega þegar
numin voru ný svið á þessum meiði og eftir heimkomuna
gáfust ýmsum tækifæri til að sýna hvað innleiða mætti við
íslensk skilyrði. Þannig síuðust út til almennings ný viðhorf,
nýir starfshættir voru prófaðir og innlend reynsla kom í kjöl-
farið, en allt þetta tók sinn tíma.
Embættismenn úr hópi presta og sýslumanna, er dvalið
höfðu með öðrum þjóðum, gátu líka lagt sitt til málanna um
það, er þeir höfðu séð með eigin augum erlendis, svo að
fræðsla í íslenskum búnaðarskólum gat mætavel komið til
■
6