Ársrit Ræktunarfélags Norðurlands - 01.01.1982, Qupperneq 10

ræktunarstörfum í auknum mæli og svo öðrum þáttum bú-
skapar á Norðurlandi. Brennandi málflutningur hans kveikti
marga neista í hugum þátttakenda á námskeiðinu og við-
horfið til félagsstofnunar fékk strax ágætar viðtökur. í fram-
haldi af því var efnt til fundar á Akureyri þann 11. júní 1903.
Þá var Rœktunarfélag Norðurlands stofnað með hóp félaga, er
taldi 553 skráða aðila. Fyrirheit voru gefin frá einstaklingum
og félagssamtökum um efnahagslegan stuðning og Akureyr-
arbær lofaði landspildu til þess að koma á fót gróðrarstöð, er
sinnti ræktunarmálum á sviði jarðvinnslu, garðyrkju og
skógræktar í fyrstu röð.
Frábær áhugi stjórnar Ræktunarfélagsins fyrstu árin var
traustur kjarni í athöfnum og starfrækslu Gróðrarstöðvar-
innar, sem í upphafi var meginverkefnið, en stjórnina skip-
uðu: Páll Briem amtmaður, Sigurður Sigurðsson skólastjóri
og Stefán Stefánsson kennari, síðar skólameistari.
Verklegar framkvæmdir í Gróðrarstöðinni voru í forsjá
Sigurðar, sem að loknu skólastarfi á Hólum, á hverju vori
flutti búferlum til Akureyrar með fjölskyldu og stóð þannig
fyrir verklegum námskeiðum nemenda sinna, en þeir sóttu
ákafir til starfa og undu glaðir við verknámið þarna, gagn-
stætt því er fyrr gerðist í verknámi á Hólum.
Af viðtölum höfundar þessa greinarkorns við ýmsa þeirra
nema, er unnu í Gróðrarstöðinni fyrstu árin, mátti enn greina
kærar minningar verma hugann áratugum eftir að atburð-
irnir skeðu. Þau viðhorf voru allt önnur en deyfð og drungi,
sem ríkjandi virtist í fari þeirra, er verknámið stunduðu fyrstu
20 árin heima á Hólum.
Af framangreindu má fullyrða, að Ræktunarfélag Norður-
lands var og er skilgetið afkvæmi búnaðarskólans og þá um
leið þeirra, sem þar stóðu i fararbroddi og sátu í öndvegi
einmitt á fyrsta tug þessarar aldar, en það vita raunar allir
Norðlendingar og margir fleiri.
Afsprengi þeirra hugsjóna, sem þá og þarna voru gerðar að
veruleika, breiddust til umhverfisins eins og bylgjur á lygnum
polli, sem steini er kastað í, og þær bylgjur hafa á ýmsum
tímum síðan dreifst frá sömu stöðvum, stundum um lang-
12