Ársrit Ræktunarfélags Norðurlands - 01.01.1982, Blaðsíða 68

unnum túnum, og því er líklegt að vallarfoxgrasi hafi hnignað
og aðrar grastegundir, liklega einkum snarrót, hafi komið í
staðinn. Má vera að sparleg áburðargjöf eigi þarna sök á. Við
óbreytt ástand er því um að gera, til þess að ná betri heyjum,
að slá snarrótartúnin snemma séu þau þá ekki beitt að ráði,
síðan vallarfoxgrastún — þau sem til eru, og þá nokkru eftir
skrið en vel fyrir blómgun. Slá síðan há af snarrótartúnum eða
blönduðum gróðurlendum, sem slegin hafa verið áður eða
beitt að ráði.
A þessu er að sjálfsögðu munur eftir legu landsins yfir sjó og
veðurfari, t.d. er mun minna af snarrót út til stranda, einkum
í ystu sveitum, svo sem á Skaga, í Fljótum, á Tjörnesi og
Sléttu, eins í hásveitum einkum í Mývatnssveit, en hún er
algengari í inn- og lágsveitum, einkum í Húnavatnssýslum og
Skagafirði, en auk þess einnig í Eyjafirði, Fnjóskadal og víðar.
Vallarsveifgras verður að teljast eftirsóknarvert vegna góðs
beitargildis og allgóðra eiginleika til sláttar auk þess sem það
þrengir sér tiltölulega fljótt í kalskemmdir.
Uthagi og grœnfóðurrœkt, endurrœkt.
Mikils er um vert að reyna að nýta alla þá möguleika sem fyrir
hendi eru til að létta túnbeitina sem mest má verða, ekki síst
þar sem túnstærðin er í minna lagi. Má hér nefna dreifingu
áburðar á úthaga síðla sumars, undir haust og eða snemma
vors fyrir sauðfjárbeit að vori, svonefnd hagarækt.
Þá er mjög til eftirbreytni sá árangur, sem ýmsir bændur
hafa náð með grænfóðurræktun, bæði til að brúa bilið milli
vorbeitar og háarbeitar og til þess að lengja beitartíma að
hausti bæði fyrir kýr og fé (10,11). Allt þetta gerir mönnum
auðveldara um vik að ná tilskildu magni gæðafóðurs í hlöðu.
Nátengt þessu er endurræktun þeirra túna, sem vel eru til
þess fallin og þurfa þess með. Sameinar þetta gjarna græn-
fóðurrækt, notkun búfjáráburðar og endursáningu í eins
konar sáðskiptum.
Aburðardreifing, beit og sláttur.
Að dómi reyndra bænda, svo sem Þorsteins Geirssonar á
Reyðará í Lóni (12), virðist tví- eða jafnvel þrískipting
70