Ársrit Ræktunarfélags Norðurlands - 01.01.1982, Page 112

STARFSSKYRSLUR 1981-1982
til aðalfundar Ræktunarfélags Norðurlands 9. september 1982.
I. SKÝRSLA ÞÓRARINS LARUSSONAR
Heyefnagreiningar.
Á meðfylgjandi töflu gefur að líta niðurstöður efnagreininga
heyja frá sumrinu 1981. Samanborið við fyrri ár, má með
sanni segja, að lengi getur vont versnað.
Þannig er vegið meðaltal sýna frá sumrinu 1981 jafnvel
lakara í fóðurgildi en slæma sumarið 1979, en þá þurfti 2,04
kg/FE á móti 2,06 nú. Sumarið 1978 var fóðurgildið hins
vegar 1,87 og 1973 1,79. I þessu efni þarf auðsjáanlega að gera
átak og það svo um munar á næstu árum. Verður vikið að því
síðar.
Þegar efnamagn heyja 1978 er borið saman við.útkomuna
1981 kemur ýmislegt fleira í ljós, sem athygli vekur. Sést hér á
eftir hverjum breytingum fóðurgildi og efnamagn heyjanna
1981 hefur tekið frá 1978, gefið í %, annars vegar á vestur-
svæðinu, þ.e. Húnavatnssýslum og Skagafirði, og hins vegar á
austursvæðinu, eða í Eyjafirði og Þingeyjarsýslum og sér á
parti Austur-Húnavatnssýsla og Norður-Þingeyjarsýsla sem
þyngst vega á hvoru svæði um sig.
Þarna virðist nokkuð undarleg þróun á ferðinni, þegar frá
er talið fóðurgildið, sem á sér að meginhluta til skýringu í
lakara árferði 1981 miðað við 1978.