Ársrit Ræktunarfélags Norðurlands - 01.01.1982, Síða 88
ins tengist henni (vík, höfn, fjörður, ós, sker, krókur, strönd,
tangi), en nöfn flestra verslunarstaðanna tengjast landinu,
enda fæstir þeirra við ströndina (skáli, hlíð, lækur, ás, hóll,
laugar, byrgi, virkjun).
Fróðlegt er að kanna hvaða bændur á Norðurlandi eiga
lengst að sækja vöru sína og þjónustu. Hef ég reynt að afla
mér upplýsinga um þetta, og hef skráð niður hvaða tveir bæir
í hverri sýslu eru lengst frá kaupstað og hve langt þeir eru frá
næsta verslunarstað. Einungis eru teknir tveir bæir í hverri
sýslu, alls 12 bæir, og skal á það bent að ekki er hér endilega
um að ræða þá 12 bæi á Norðurlandi sem lengst eru frá
kaupstað, vegna þess að yfirleitt eiga menn í Þingeyjar- og
Skagafjarðarsýslum um lengri veg að sækja en menn í hinum
sýslunum þremur. Upplýsingar eru fengnar frá héraðsráðu-
nautum, bændum og ýmsum ritum, en endanlegar tölur frá
umdæmisverkfræðingum Vegagerðarinnar á Akureyri og
Sauðárkróki, þeim Guðmundi Svavarssyni og Jónasi Snæ-
björnssyni. Niðurstöður þessara athugana eru birtar í með-
fylgjandi töflu.
Sýsla Hreppur Bær Kaupstaður Vegal. km Verslunarst. Vegal. km
V.-Hún. Þverárhr. Súluvellir Hvammstangi1 43,5 Víðihlíð 30,4
Þverárhr. Valdalækur Hvammstangi2 42,8 Víðihlíð 33,5
A.-Hún. Bólstaðarhl.hr. Fossar Blönduós 54,9 Varmahlíð 46,0
Bólstaðarhl.hr. Stafn Blönduós 51,5 Varmahlíð 42,6
Skagafj. Akrahr. Merkigil Sauðárkr. 80,0 Varmilækur 46,0
Lýtingsstaðahr. Skatastaðir Sauðárkr. 74,1 Varmilækur 40,1
Eyjafj. Saurbæjarhr. Tjarnir Akureyri 44,5 Steinh.skáli 10,3
Saurbæjarhr. Hólsgerði Akureyri 44,2 Steinh.skáli 10,0
S.-Þing. Bárðdælahr. Svartárkot Húsavík3 91,0 Fosshóll 44,4
Bárðdælahr. Víðiker Húsavík3 81,1 Fosshóll 34,5
N.-Þing. Fjallahr. Nýhóll Kópasker 91,6 Reykjahlíð 44,5
Fjallahr. Grímsstaðir Kópasker 87,3 Reykjahlíð 40,2
1 Um Vcsturhóp.
2 Ut fyrir Vatnsnes.
3 Um Fljótsheiði.
I ljós kemur að Ragnar á Nýhóli á Fjöllum á lengst í
kaupstað, 91,6 km á Kópasker, en afar litlu munar á þeirri
90