Ársrit Ræktunarfélags Norðurlands - 01.01.1982, Page 11

Unnið við verknám ogjarðrœkt sunnan við Gróðrarstöðina á Akureyri 1904.
Kaldbakur í baksýn.
vegu. Gróðrarstöðin á Akureyri og Bændaskólinn á Hólum
hafa þróast síðan með misjöfnum hraða eftir aldarfari og
atferli því, sem forystumenn og framtak umhverfisins hefur
mótað. I Gróðrarstöðinni óx síðar meiður almennra tilrauna í
þágu lándbúnaðarins á vegum hins opinbera og er sú starf-
semi fyrir nokkrum árum flutt að Möðruvöllum í Hörgárdal,
en enn og framvegis er Ræktunarfélag Norðurlands virkur
aðili á vegum fjölþættra viðfangsefna til fulltingis búskap
bænda.
Um 80 ára skeið hafa nú umræddar miðstöðvar bóklegrar
og verklegrar menntunar og menningar ríkt, sín hvoru megin
við rammgerð reginfjöll, en raunar hlið við hlið, Bændaskól-
inn á Hólum í Hjaltadal og Ræktunarfélag Norðurlands við
Eyjafjörð. Báðar hafa alla tíð verið aflvakar og hvatar þeirrar
þróunar og framfara, sem með misjöfnum hraða hafa ríkt á
landssvæðinu umrætt tímabil.
A ýmsum tímum hafa nokkrir af fyrrverandi nemendum
13