Ársrit Ræktunarfélags Norðurlands - 01.01.1982, Side 89

vegalengd og fjarlægð þeirra Harðar og Tryggva í Svartárkoti
frá Húsavík, en hún reyndist 91,0 km. Það vakti undrun mína
að styttra er fyrir Bárðdælinga að fara yfir Fljótsheiði en fara
út Kinn. Nágrannabæir þessara tveggja útvarða, Grímsstaðir
og Víðiker, eru í yfir 80 km fjarlægð frá kaupstað, og Merkigil
í Skagafirði kemur fast á hæla þeirra með rétta 80 km til
Sauðárkróks. Bæir annarra sýslna eru nær kaupstöðum,
rúmir 50 km í Austur-Húnavatnssýslu og rúmir 40 km í
Eyjafjarðar- og Vestur-Húnavatnssýslum. Þess ber að geta að
þeir bændur sem lengst eiga að sækja í kaupstað, þ.e. Fjöll-
ungar og Bárðdælir, fara eftir vegum sem oft eru lokaðir á
vetrum vegna snjóa og á vorin vegna leysinga. Þegar Fljóts-
heiði og Hólssandur eru lokaðir þurfa Fjöllungar því að fara
til Húsavíkur um Mývatnssveit og Bárðdælingar um Kinn-
arveg. Þá þarf Ragnar á Nýhóli að aka 98,9 km en þeir
Hörður og Tryggvi í Svartárkoti 94,5 km.
Ef athugað er hvaða bændur eigi lengst í næsta verslunar-
stað, kemur í ljós að ábúendur á Fossum í Svartárdal og á
Merkigili í Austurdal eiga um 46 km en frá Nýhóli og Svart-
árkoti eru um 44,5 km. Er þetta álíka langt og frá fjarlægustu
eyfirsku og vestur-húnvetnsku bæjunum í kaupstað.
Mikið hefur verið unnið og miklu til kostað við vegagerð
hérlendis á síðustu áratugum. Stjórnmálamenn virðast yfir-
leitt telja vegagerð arðbæra fjárfestingu, líklega vegna minni
viðhaldskostnaðar á vegum og farartækjum, minni snjó-
moksturs og ódýrari flutninga. Samgönguæðarnar tengja
saman byggðirnar og gera kleift að nýta auðlindir á landinu
öllu og allt umhverfis landið. Við skulum vona að vel verði
staðið að byggingu vegakerfisins á næstu árum, svo mönnum
verði lífvænlegt sem víðast á landinu og þurfi ekki að eyða
miklum tíma og fjármunum til að nálgast hina sjálfsögðu
þjónustu þéttbýlisins. Við skulum einnig vona að innan tíðar
þurfi þeir útverðir, sem hér hefur verið fjallað um, ekki að
berjast klukkutímum saman í snjósköflum á veturna og i
hvörfum á vorin við að komast í kaupstað. Tíminn sem fer í að
aka þessa löngu leið er nægur samt.
91