Árbók Landsbókasafns Íslands - 01.01.1967, Blaðsíða 13

LANDSBÓKASAFNIÐ 1966 13
BRÉFASKRÁ Nanna Ólafsdóttir magister vann í ígripum á vegum safnsins að
skráningu bréfasafna frá 19. öld. Veitti Mennlamálaráð nokkurn
styrk sem fyrr úr Menningarsj óði til þessa verks, og skulu því færðar beztu þakkir
fyrir framlag sitt.
ENDURBÆTUR Alþingi veitti enn fé, sem mjög skal þakkað, til ýmissa endur-
bóta á Safnahúsinu. Allir stólar í aðallestrarsölum beggja safn-
anna, Landsbókasafns og Þjóðskjalasafns, voru bólstraðir og klæddir að nýju, en
við þeim hafði ekki verið hreyft síðan 1909. Hitunarkerfi hússins, bæði ofnar og
leiðslur, var hreinsað, lokar settir á ofna, þar sem þá vantaði, og loks hitastillir fyrit
allt kerfið. Hafa þessar aðgerðir orðið til mikilla bóta.
Símaskiptiborð var sett upp í anddyri og símaleiðslur hússins flestar endurnýjaðar.
Fata- og símavarzla var sameinuð, og er sú þjónusta nú veitt allan daginn.
Vegna hinna miklu þrengsla hafa bókahillur verið settar upp aukalega á nokkrum
stöðum, ef með því mætti fleyta örfáum bókaflokkum áfram skamman spöl. En svo
er nú komið, að flytja þarf til heila flokka innan safns eða e. t. v. úr safninu í
geymslur utan þess lil að rýma fyrir þeim deildum, er mest eru notaðar og hafa verð-
ur jafnan tiltækar.
GÓÐ GJÖF Sveinbjörn Jónsson, forstjóri Ofnasmiðjunnar, færði Lands-
bókasafni að gjöf geysihaglegan kassa úr stáli, smíðaðan í
smiðju hans og ætlaðan undir útlánaspjöld Landsbókasafns.
Vér þökkum Sveinbirni gjöfina og hinn góða hug hans til safnsins.
NORRÆN Bókaverðir við svo kölluð rannsóknarbókasöfn á Norðurlönd-
SAMVINNA um hafa um árabil haft með sér samvinnu og stofnað í því skyni
norrænt samband slíkra bókavarða (Nordisk videnskabeligt bi-
bliotekarforbund). Tilmæli komu frá sambandi þessu haustið 1964 um, að íslenzkir
bókaverðir gengju í sambandið, sæju þeir sér það fært. Málið var rætt í Bókavarða-
félagi íslands og vorið 1966 ákveðið að stofna innan þess sérstaka deild bókavarða
við íslenzk rannsóknarbókasöfn, er síðan sækti um inntöku í norræna sambandið.
Einar Sigurðsson, bókavörður Háskólabókasafns, var fulltrúi deildarinnar á aðal-
þingi norræna sambandsins í Karkku á Finnlandi 14.-17. júní.
Sambandið hélt ennfremur ráðstefnu í Konunglega safninu í Stokkhólmi dagana
31. okt. - 2. nóv., og var þar einkum fjallað um bókband. Tveir fulltrúar sóttu ráð-
stefnuna, þeir Geir Jónasson bókavörður og Guðjón Runólfsson bókbindari.
ÁRBÓK Reynt var á árinu að afla Árbókinni fastra áskrifenda, og voru
mönnum þá jafnframt boðnir til kaups eldri árgangar hennar
við vægu verði. Hafa nú þegar safnazt á annað bundrað áskrifendur og margir þeirra