Árbók Landsbókasafns Íslands - Nýr flokkur - 01.01.1987, Síða 7

Áður óbirt bréfaskrifjónasar Hallgrímssonar
og bréf er hann varðar
Ögmundur Helgason bjó til prentunar
Á árunum 1929-37 gaf Matthías Þórðarson út ritsafn Jónasar
Hallgrímssonar, þar á meðal flest öll bréf hans, er þá voru kunn.
Síðan hafa fleiri bréf smám saman komið í leitirnar. Sverrir Krist-
jánsson bjó til prentunar „Tvö óprentuð bréf . . .“ í Tímariti máls og
menningar, 18. árg., 1957, bls. 203-05, og Aðalgeir Kristjánsson og
Ólafur Halldórsson „Tvö óbirt bréf‘ í sama tímariti, 27. árg., 1966,
bls. 81—83. Ólafur ritaði einnig greinina „Úr bréfum Fjölnismanna11 í
Skírni, 139. árg., 1965, bls. 83—97, en þar er birtur hluti af
glettnisbréfi í bundnu máli til Jónasar frá vinum hans, Konráði
Gíslasyni, Brynjólfi Péturssyni og Gísla Thorarensen, og af svar-
bréfum hans, þulubréfi og gamanbréfmu svokallaða, m.a. upp-
hafslínurnar, sem Matthías Þórðarson felldi niður í útgáfu sinni. Þá
ritaði Aðalgeir í Árbók Landsbókasafns 1968, bls. 124-26, greinar-
gerð um „Bréfasafn Brynjólfs Péturssonar“, sem varðveitt er í Lands-
arkivet for Sjælland í Kaupmannahöfn, en þar eru talin ellefu óbirt
bréf frá Jónasi. Jakob Benediktsson bjó til prentunar „Þrjú bréf og
eitt kvæði“ úr þessu safni í Tímariti máls og menningar, 29. árg.,
1968, bls. 168—82, og síðan Tómas Guðmundsson sex bréftil viðbótar
í ritsafni Jónasar, er út kom 1971, en þar voru einnig prentuð þau
bréf, er þeir Aðalgeir og Ólafur saman og Jakob höfðu búið til
prentunar, nema miðhluti fyrsta bréfsins, er Jakob hafði birt, svo og
kvæðið. Hannes Pétursson vitnaði síðan í óbirt bréfbrot úr þessu
sama safni í bók sinni Kvæðafylgsnum, 1979, bls. 124, er nánar mun
að vikið í skýringum hér á eftir.
Sumarið 1986 benti Jorgen Ask mag. art. Aðalgeiri Kristjánssyni á
tvö bréf í Konungsbókhlöðunni í Kaupmannahöfn, annað ritað af
Jónasi Hallgrímssyni til J. Collin, en hitt ritað af J. Steenstrup til
Finns Magnússonar, er honum barst fregnin um andlát Jónasar.