Árbók Landsbókasafns Íslands - Nýr flokkur - 01.01.1987, Side 17

SIGURÐUR NORDAL
17
naumur fyrst um sinn. En úr þessu má gera ritgerð, sem er vísindaleg
og þó við alþýðu hæfi, eins og Bogi Th. Melsteð segir um söguna sína.
Kærar kveðjur til ykkar hjónanna,
þinn einlægur,
Sigurður Nordal.
0stre Fasanvej 35,
Kobenhavn F, 26/2 1916.
Kæri vinur.
Á þessum blessuðum aldri, sem ég er á, nefnilega barnsaldrinum, á
maður að læra eitthvað við hverja plágu - og þetta geri ég líka. Þegar
ég sendi þér ritd. um Vesturlönd, lofaði ég, að ég skyldi aldrei framar
skrifa ritdóm eftir beiðni annars manns. En mér fannst sjálfsagt, að
maður ætti að lofa að skrifa um bók, sem mann langaði til að skrifa
um, t. d. Tólf sögur Guðm. Friðjónssonar- Nú hef ég bætt nýju stigi
við: „Lofaðu aldrei að skrifa neitt. En það sem þú hefur glæpzt á að
skrifa af sjálfsdáðum, geturðu látið á þrykk út ganga - ætli það verði
ekki meira en nóg“!
Pú mátt nú ekki taka þetta sem ég segi þér upp hlýðni og hollustu
og öllum efndum loforðanna — heldur í hæsta lagi sem afsökun á, að
ég hvorki sendi þér ritd. né annað enn þá. Minn vitjunartími til þess
að skrifa ritd. er annaðhvort ekki kominn, eða þá framhjá farinn, án
þess ég hafi þekkt hann. En hann kemur - ég hef tvílesið bókina og er
stoltur af því, að hún skuli vera skrifuð af íslenzkum bónda. Samt get
ég enn þá ekki skrifað um hana, hafðu þolinmæði með mér.
Ég skal líka reyna allt hvað ég get með Snorra. Hann er nú til á
dönsku, en eftir að færa hann í íslenzka búninginn - og hugsa allt
saman upp á íslenzku. Vona, að þú verðir sáttur við mig, ef þú færð
hann í júlí-heftið.
Ég þakka þér annars kærlega fyrir bréfið og óska þér allra heilla
með verkaskiptin og vinnuvísindin. Las greinina þína í síðasta hefti
Skírnis með mikilli ánægju - og sömuleiðis Draumljóðin hennar frú
Theódóru. Finnst líka framfor að því, að útl. fréttirnar eru horfnar og
greinar eins og sú frá Héðni koma í staðinn.
Beztu kveðjur til þín og þinna,
þinn einlægur,
2
Sigurður Nordal