Árbók Landsbókasafns Íslands - Nýr flokkur - 01.01.1987, Side 26

26
BRÉF NOKKURRA FRÆÐIMANNA
Lowell House, Cambridge Mass.,
1. nóv. 1931.
Landsbókavörður
Hr. dr. phil. Guðm. Finnbogason,
Suðurgötu,
Reykjavík,
Iceland.
Hér sendi ég þér mynd af bezta hluta háskólans hérna, bezta
bókasafni, sem ég hef unnið í. Ég hef sagt Whitehead frá þýðingu
þinni, og karl langar til að sjá bókina. Viltu senda honum hana, ég
skal sjá um, að hún komist til skila og skýra málið fyrir honum. Við
búum svo að segja í sama húsi. Með beztu kveðjum til þín og þinna
frá þínum
Sigurði Nordal.
Bókasafnið, sem átt er við, er The Harry Elkins Widener Memorial Library, Harvard
University, Cambridge, Mass.
Charing Cross Hotel,
Strand, London WC2, 1. júní 1932.
Kæri vinur,
Beztu þakkir íyrir tvö bréf og alla ræktarsemina þína við Ólöfu í
vetur. Það er nú hálfur mánuður síðan hún kom hingað, og líðan
hennar hefur að vonum ekki verið góð. Við komum hingað í gær,
vorum gestir hjá vinum okkar í Oxford í 10 daga, og þetta er fyrsta
stundin, sem ég hef næði til þess að skrífa fáar línur.
Ég kom þýðingu þinni í hendur Whitehead’s, og þótti karli gaman
að, en ekkert mundi hann eftir að hafa fengið bréf þitt né bók. Hann
er dálítið utan við heiminn, eins og metaphysico sæmir.
Ég hef enga tilkynningu fengið um kosninguna í Norræna félaginu
fyrr en nú um leið og þitt bréf, í bréfi frá Guðlaugi Rósenkranz. Mér
er, eins og þú getur getið nærri, hvorttveggja jafnt á móti skapi: að þið
Matthías fóruð úr stjórninni og að ég skyldi, að mér íjarverandi og
fornspurðum, vera kosinn til formennsku. Nú hef ég skrifað G.R. og
tjáð honum, að ég myndi eindregið hafa greitt því atkvæði, að þú
værir einn fyrirlesarinn (eins og G.R. hafði skrifað mér, áður en
breytingin varð á stjórninni). Sama skalt þú segja Gunnlaugi
Claessen, að ef mitt atkvæði hefði ráðið úrslitum (eins og mér þykir
líklegt af bréfi þínu) hefði niðurstaðan orðið önnur. Ég vona, að þessu